ក្រសួងពាណិជ្ជកម្មស្នើប្រមុខរដ្ឋាភិបាលបង្កើតគម្រោងមេជួយកសិករ
- ភ្នំពេញ
រាជធានីភ្នំពេញ ៖ ក្រសួងពាណិជ្ជកម្ម គ្រោងនឹងដាក់សំណើរជូនប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដើម្បីបង្កើតគម្រោងមេ (Pilot…
រាជធានីភ្នំពេញ ៖ ក្រសួងពាណិជ្ជកម្ម គ្រោងនឹងដាក់សំណើរជូនប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដើម្បីបង្កើតគម្រោងមេ (Pilot…
រាជធានីភ្នំពេញ ៖ ក្រសួងពាណិជ្ជកម្ម គ្រោងនឹងដាក់សំណើរជូនប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដើម្បីបង្កើតគម្រោងមេ (Pilot Project) រួមមានទាំងផ្នែករឹង និងផ្នែកទន់ សម្រាប់ជួយពង្រឹងសិ្ថរភាពទីផ្សារ និងតម្លៃកសិផលជូនប្រជាកសិករដែលជាអ្នកផលិត។ នេះបើតាមលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម លើកឡើងកាលពីថ្ងៃទី៥មីនា។
ថ្លែងក្នុងពិធីសំណេះសំណាលជាមួយមន្ត្រីរាជការនៃមន្ទីរពាណិជ្ជកម្ម និងសាខាកាំកុងត្រូលខេត្តកណ្តាល លោក ប៉ាន សូរស័ក្តិ បានគូសបញ្ជាក់ថា ផ្នែករឹង សំដៅលើការកសាងហេដ្ឋារចនាសម្ព័ន្ធឡសម្ងួត ដើម្បីរក្សាទុកកសិផលកុំឱ្យខូច ចំណែកឯផ្នែកទន់ សំដៅលើការទទួលទិញកសិផលពីប្រជាកសិករទៅតាមតម្លៃទីផ្សារ ហើយថវិកាជាតិ គឺជាប្រភពទុនសម្រាប់អនុវត្តគម្រោងមេ»។ លោកលើកឡើងថាបន្តទៀតថា បច្ចុប្បន្នក្រសួងពាណិជ្ជកម្ម បានកំពុងសហការជាមួយមូលនិធិអន្តរជាតិអភិវឌ្ឍន៍កសិកម្មធ្វើការអនុវត្តគម្រោងជំរុញទីផ្សារសម្រាប់កសិកម្មខ្នាតតូចដើម្បីពង្រឹងខ្សែសង្វាក់តម្លៃផលិតផលចំនួន៥ ដូចជា ស្រូវ ដំឡូងមី បន្លែ មាន់ស្រែ និងសូត្រប្រណិត។ គម្រោងនេះ រួមជាមួយគម្រោងមេខាងលើ នឹងជួយលើកកម្ពស់ជីវភាពប្រជាកសិករ និងជំរុញកំណើនសេដ្ឋកិច្ចជនបទ ប្រកបដោយបរិយាប័ន្ន ស្របតាមផែនការយុទ្ធសាស្ត្រអភិវឌ្ឍន៍ជាតិ។
ទាក់ទងនិងសំណើរខាងលើ បើតាមមន្ត្រីអ្នកនាំពាក្យក្រសួងពាណិជ្ជកម្ម ឱ្យដឹងកាលពីថ្ងៃទី៦មីនា ថា សំណើរនេះក្រសួងត្រៀមដាក់បញ្ជូនទៅក្រសួងសេដ្ឋកិច្ចនៅពេលខាងមុខដ៏ខ្លីនេះ ហើយគម្រោងមួយនេះវាជួយឱ្យតម្លៃកសិផលរបស់កសិករមិនប្រឈមនិងថ្លៃនៅពេលប្រមូលផល។ លោក ស៊ាង ថៃ មន្ត្រីអ្នកនាំពាក្យក្រសួង ពាណិជ្ជកម្ម បញ្ជាក់ថា៖ « យើងកំពុងតែធ្វើលើកិច្ចការនេះ។ កិច្ចការនេះយើងធ្វើបានច្រើន ជិតចប់ហើយថ្ងៃនេះឬស្អែកក្រសួងនិងចុះហត្ថលេខារួច និងបញ្ជូនទៅក្រសួងសេដ្ឋកិច្ចនិងហិរញ្ញ
វត្ថុ»។ លោកបញ្ជាក់ថា ៖«ប្រជាកសិករនៅពេលដែលគាត់ច្រូតកាត់បានមកទាំងវិស័យស្រូវអង្ករ ពោត ដំឡូងមី ឬសណ្តែកដែលគេប្រមូលបាន ប្រជាកសិករតែងតែប្រញាប់លក់ ព្រោះគាត់ត្រូវការលុយតែលក់មិនបានថ្លៃ ។ដូចនេះយើងគិតថា រដ្ឋាភិបាលអាចជួយទិញកសិផលរបស់គាត់ក្នុងតម្លៃសមរម្យស្មើនិងតម្លៃទីផ្សារ វាមិនដូចឈ្មួញកណ្តាលដែលចុះទៅទិញក្នុងតម្លៃថោក»។
បើតាម លោកស៊ាង ថៃ៖«យើងទិញកសិ ផលពីប្រជាកសិករ យកមកសម្ងួត ធ្វើការទុកដាក់នៅកន្លែងត្រឹមត្រូវ ហើយនៅពេលណាតម្លៃវាសមរម្យយើងនឹងបច្ចេញវាទៅវិញ។ដូច្នេះអាចធ្វើឱ្យប្រជាកសិករ គាត់អាចលក់ផលិតផលរបស់គាត់បានក្នុងតម្លៃណាមួយ មិនធ្វើឱ្យគាត់ខាតបង់»៕
ចែករំលែកព័តមាននេះ