រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានបញ្ជាក់មូលនិធីស៊ីក្លូមិននឹងមិន បាត់បង់នោះទេ បើនាយករដ្ឋមន្ត្រីដែលកើតចេញពីគណបក្សប្រជាជនកម្ពុជា ។ មានប្រសាសន៍ក្នុងពិធីសំណេះសំណាល និងទទួលអាហារជាមួយអ្នកធាក់ស៊ីក្លូ…
រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានបញ្ជាក់មូលនិធីស៊ីក្លូមិននឹងមិន បាត់បង់នោះទេ បើនាយករដ្ឋមន្ត្រីដែលកើតចេញពីគណបក្សប្រជាជនកម្ពុជា ។ មានប្រសាសន៍ក្នុងពិធីសំណេះសំណាល និងទទួលអាហារជាមួយអ្នកធាក់ស៊ីក្លូ នាព្រឹកថ្ងៃទី៨ មីនា នៅមជ្ឈមណ្ឌសន្និបាតកោះពេជ្រ សម្តេចតេជោ ហ៊ុនសែន នាយករដ្ឋមន្ត្រីបានឲ្យដឹងប្រសិន បើសម្តេចនៅដឹកនាំប្រទេសបន្តទៀតមូលនិធិអ្នកធាក់ស៊ីក្លូមិនបានបាត់បង់នោះទេ ជាងនេះ បើមនុស្សចេញពីគណបក្សប្រជាជនកម្ពុជាបន្តកាន់អំណាចក៏មិនបាត់បង់នោះទេ ។
ប៉ុន្តែបើសិនសម្តេចមិនបានដឹកនាំប្រទេសបន្តទៀតមូលនិធិស៊ីក្លូអាចនឹងបាត់បង់ ។ សម្តេចបាបន្តទៀតថា កម្មករធាក់ស៊ីក្លូមានជីវិតផុយស្រួលជាងកម្មករផ្សេងៗ ។ សម្តេចក៏បានឲ្យដឹងទៀតថា ការជួបជុំគ្នានេះបង្ហាញពីការយកចិត្តទុកដាក់ចំពោះអ្នកធាក់ស៊ីក្លូក៏ដូចជា ប្រជាជនផងដែរ ។ យ៉ាងណាក្តីសម្តេចបានបន្តលើកឡើងថា សម្តេចនៅបន្តដឹកនាំប្រទេសរយៈពេល១០ឆ្នាំស្មើនឹងពីរអាណត្តិបន្តទៀត ។
សូមជម្រាបក្នុងពិធីនោះដែរសម្តេចបានផ្តល់ថវិកាចំនួន២០ម៉ឺនរៀលដល់សមាជិកអ្នកធាក់ស៊ីក្លូផងដែរ ៕
ចែករំលែកព័តមាននេះ