អ្នកធ្វើកម្មណា នឹងទទួលកម្មនោះវិញជាប្រាកដ ប្រៀបដូចបាចអង្កាមច្រាសខ្យល់ រមែងសាចមកលើខ្លួនអ្នកបាចនោះវិញជាក់ជាមិនខាន ដូច្នេះបុគ្គលគប្បីយកធម៌មេត្តាមកជាអារម្មណ៍ បើទោះជាគេធ្វើអំពើអ្វីដាក់យើងក៏គួរសាងតែសេចក្តីល្អតបវិញ ។ កាលបើក្នុងសន្តានខ្វះធម៌មេត្តាហើយ នឹងធ្វើឱ្យចិត្តដុតរោលពុះកញ្ជ្រោលកាន់តែក្តៅឡើង រស់នៅទាំងអារម្មណ៍តឹងណែនទៅដោយអំពើអាក្រក់ផ្សេងៗមាន…
អ្នកធ្វើកម្មណា នឹងទទួលកម្មនោះវិញជាប្រាកដ ប្រៀបដូចបាចអង្កាមច្រាសខ្យល់ រមែងសាចមកលើខ្លួនអ្នកបាចនោះវិញជាក់ជាមិនខាន ដូច្នេះបុគ្គលគប្បីយកធម៌មេត្តាមកជាអារម្មណ៍ បើទោះជាគេធ្វើអំពើអ្វីដាក់យើងក៏គួរសាងតែសេចក្តីល្អតបវិញ ។
កាលបើក្នុងសន្តានខ្វះធម៌មេត្តាហើយ នឹងធ្វើឱ្យចិត្តដុតរោលពុះកញ្ជ្រោលកាន់តែក្តៅឡើង រស់នៅទាំងអារម្មណ៍តឹងណែនទៅដោយអំពើអាក្រក់ផ្សេងៗមាន ចងចិត្តឈ្នានីស ក្តីច្រណែន ចិត្តចងអាឃាត ចងគំនុំ ចងពៀរនឹងគ្នាគ្មានទីបំផុតឡើយ ។
នៅក្នុងគម្ពីរធម្មបទភាគ១ ព្រះដ៏មានបុណ្យទ្រង់ទេសនាប្រដៅដល់សព្វសត្វថា តាមធម្មតាពៀរមិនដែលរម្ងាប់ដោយការចងពៀរឡើយ។ ត្រង់ចំណុចនេះបង្ហាញថា បើយើងនៅតែប្រកាន់ថា អ្នកនេះវាយអញ អ្នកនោះជេរអញ អ្នកនេះតិះដៀលអញ អ្នកនោះបៀតបៀនអញ អ្នកនោះនិយាយអាក្រក់ពីអញ អ្នកនោះឈ្នានីសអញ ក៏មានចិត្តចងគំនុំគេវិញ រកវិធីទុច្ចរិតផ្សេងៗដើម្បីឱ្យគេអន្តរាយ ឱ្យគេវិនាសដើម្បីបំពេញបំណងអាក្រក់របស់ខ្លួន ។
ការចងចិត្តអាក្រក់បែបនេះនឹងមិនរួចពៀរវេរាឡើយ ដូច្នេះដើម្បីបញ្ចៀសការជាប់ជំពាក់កម្មនឹងគ្នា បុគ្គលគួរធ្វើអំពើល្អៗតបទៅអ្នកដទៃវិញ ទោះបើជាគេធ្វើអំពើមិនគួរដាក់យើងក៏ដោយ ។
អំពើបាបកម្មដែលធ្វើទាំងអម្បាលម៉ាននឹងវិលត្រឡប់មករកអ្នកវិញ ប្រៀបដូចបាចអង្កាមច្រាសខ្យល់ដូច្នោះដែរ ។
ចែករំលែកព័តមាននេះ