ខេត្តកំពង់ចាម ៖ មនុស្សម្នាក់បានស្លាប់ និង៦នាក់ទៀតរងរបួសធ្ងន់ នៅក្នុងហេតុការណ៍គ្រោះថ្នាក់
ចរាចរណ៍កើតឡើងរវាងម៉ូតូ និងរថយន្តហ៊ីយ៉ានដាយ ពាក់ស្លាកពោធិសាត់ 3A-0986 នៅលើផ្លូវជាតិលេខ៦១ កាលពីវេលាម៉ោង១០និង៥០នាទីព្រឹកថ្ងៃទី០៧ មីនា ២០១៩ ត្រងចំនុចរណ្តៅផ្លុង ខាងកើតភូមិសំបូរ ឃុំសំបូរ ស្រុកបាធាយ ។ អ្នករងគ្រោះត្រូវបានគេដឹកតាមរថយន្ត មកសង្គ្រោះនៅមន្ទីរពេទ្យបង្អែកស្រុកបាធាយ ។
តាមនគរបាលចរាចរណ៍ស្រុកបាធាយប្រាប់ឲ្យដឹងថា ម៉ូតូម៉ាកស៊ូសាគិនិច បើកបរដោយឈ្មោះ
សៀម វេង ភេទប្រុស ដោយបានជិះក្នុងទិសដៅពីកើតមកលិច តាមបណ្តោយផ្លូវជាតិ ស្របពេលមក
ដល់ត្រង់ចំនុចខាងលើបានជែងនឹងអ្វីមួយ ហើយក៏ទៅប៉ះទង្គិច និងរថយន្តធំច្រាសទិសគ្នា បណ្តាលឲ្យអ្នកជិះម៉ូតូបានស្លាប់ភា្លមៗ និងម៉ូតូវិញបានរងការខូចខាតខ្ទេចមើលមិនយល់ ។
នគរបាលចរាចរណ៍បានប្រាប់បន្តថា ម៉ូតូម្ចាស់បើកបរតែម្នាក់ គឺអ្នកស្លាប់ខាងលើបានផ្លោងចេញពីម៉ូតូនិងកន្ត្រក់ដាក់មាន់រថយន្តវិញបានក្រឡាប់ធ្លាក់ចេញពីផ្លូវ បណ្តាលឲ្យក្រឡាប់ និងបានរងរបួសធ្ងន់អ្នកជិះលើរថយន្តនោះចំនួន០៦នាក់ ។ ក្រោយកើតហេតុកម្លាំងនគរបាលចុះមកដល់កន្លែងកើតហេតុនិងបានដឹកអ្នករងគ្រោះមកសង្គ្រោះជាបន្ទាន់ នៅមន្ទីរពេទ្យបង្អែកស្រុកបាធាយ ចំនែកវត្ថុតាងវិញត្រូវបានហៅរថយន្តមកស្ទូចយករថយន្តដែលក្រឡាប់ និងសំណល់ម៉ូតូត្រូវបាននាំមករក្សាទុកនៅអធិការដ្ឋាននគរបាលស្រុកបាធាយ ដើម្បីដោះស្រាយតាមនីតិវិធី ។
សូមបញ្ជាក់ថា នៅក្នុងកន្ត្រក់មិនមានឃើញមាន់នោះទេ ក្រោយកើតហេតុដោយម្ចាស់បានស្លាប់ហើយ
គេបានយកកន្ត្រក់នោះមកដាក់លើទ្រូងម្ចាស់សព ហើយត្រូវបានសាច់ញាតិមកទទួយកទៅធ្វើបុណ្យតាមប្រពៃណី ៕
ចែករំលែកព័តមាននេះ