បច្ចុប្បន្នក្ដីស្រឡាញ់របស់នាងជេន្នីហ្វើ ហ្គាន័រ (Jennifer Garner) តារាសម្តែងដ៏ស្រស់ស្អាតជាមួយលោកចន មីល័រ (John Miller) គូស្នេហ៍ថ្មីជាសំណព្វចិត្តរបស់នាងកំពុងមានភាពរលូន ជាចុងក្រោយអ្នកទាំង២បានដើរកម្សាន្តរួមគ្នាយ៉ាងស្និទ្ធស្នាល ។
នាងហ្គាន័របានសម្រេចលែងលះជាមួយលោកបេន អាផ្លិច (Ben Affleck) តារាសម្តែងដ៏ស្រស់ស្អាតក្រោយពេលក្ដីស្រឡាញ់របស់ពួកគេមិនលូតលាស់ ។ ស្របពេលពួកគេធ្លាប់រស់នៅរួមគ្នា រួមទាំងមានកូនជាមួយគ្នា មានមនុស្សជាច្រើនយល់ថានាងត្រូវចំណាយពេលមួយរយៈដើម្បីព្យាបាលផ្លូវចិត្ត ។ ធាតុពិតក្នុងរបាយការណ៍បញ្ជាក់ថា នាងប្រហែលជាកំពុងសេពគប់ជាមួយលោកមីល័រ និងធ្លាប់មានពាក្យចចាមអារ៉ាមថាពួកគេត្រៀមរៀបការគ្នា ។
ក្នុងពេលចុងក្រោយនេះពួកគេបានបណ្ដើរគ្នាទទួលទានអាហារពេលល្ងាចនៅហាងបាយ«ជ័រជីអូ បាលឌី» (Giorgio Baldi) របស់អុីតាលីក្នុងតំបន់Santa Monica និងមានសាក្សីមួយរូបបញ្ជាក់ថាពួកគេបាននៅរួមគ្នានៅក្នុងហាងប្រហែល៣ម៉ោង ៕
ចែករំលែកព័តមាននេះ