លេចឮថាការចរចាសង្គ្រាមពាណិជ្ជកម្មអាមេរិក-ចិនឈានដល់ដំណាក់កាល…
រដ្ឋធានីវ៉ាស៊ីនតោន៖ ភ្នាក់ងារសារព័ត៌មាន Reuters បានរាយការណ៍មកកាលពីថ្ងៃទី៧ មីនា កន្លងមកថា លោកប្រធានាធិបតី ដូណាល់ ត្រាំ (Donald…
រដ្ឋធានីវ៉ាស៊ីនតោន៖ ភ្នាក់ងារសារព័ត៌មាន Reuters បានរាយការណ៍មកកាលពីថ្ងៃទី៧ មីនា កន្លងមកថា លោកប្រធានាធិបតី ដូណាល់ ត្រាំ (Donald Trump) របស់សហរដ្ឋអាមេរិកបាននិយាយថា ការចរចាពាណិជ្ជកម្មជាមួយនឹងប្រទេសចិនកំពុងតែដំណើរការទៅមុខយ៉ាងរលូន និងគិតថាប្រទេសទាំងពីរអាចនឹងសម្រេចបានកិច្ចព្រមព្រៀងដ៏ល្អមួយ ឬមិនអាចសម្រេចបានអ្វីទាំងអស់ផងដែរ ។
សហរដ្ឋអាមេរិក និងប្រទេសចិនបានជាប់ក្នុងការចរចាយ៉ាងតានតឹងដើម្បីបញ្ចប់សង្គ្រាមពាណិជ្ជកម្ម ។ លោកប្រធានាធិបតីត្រាំក៏បានពន្យាពេលបង្កើនពន្ធពី១០%ទៅ២៥%លើផលិតផលចិនប្រមាណ២០០ប៊ីលានដុល្លារផងដែរកាលពីសប្តាហ៍មុន ។
លោកប្រធានាធិបតីបានមានប្រសាសន៍ដូចខាងលើបន្ទាប់ពីក្រសួងពាណិជ្ជកម្មអាមេរិកបានឲ្យដឹងកាលពីថ្ងៃពុធមកថា ឱនភាពពាណិជ្ជកម្មផលិតផលអាមេរិកបានកើនឡើងដល់កម្រិតខ្ពស់ជាងគេនៅឆ្នាំ ២០១៨ ។
លោក Ted McKinney ដែលជាជំនួយការអគ្គលេខាធិការកិច្ចការពាណិជ្ជកម្ម និងកសិកម្មបរទេសបាននិយាយថា ការចរចាត្រូវបានកើតឡើងភាគច្រើនតាមវីឌីអូ ហើយកំពុងតែដំណើរការយ៉ាងរលូន។
សហរដ្ឋអាមេរិកបានទាមទារឲ្យប្រទេសចិនធ្វើកំណែទម្រង់ជាច្រើនលើច្បាប់ និងការអនុវត្តដើម្បីការពារសិទ្ធិកម្មសិទ្ធិបញ្ញាអាមេរិក បញ្ចប់ការបង្ខំឲ្យមានការផ្ទេរបច្ចេកវិទ្យាអាមេរិកទៅកាន់សហគ្រាសចិន កាត់បន្ថយការផ្តល់ឧបត្ថម្ភធនឧស្សាហកម្ម និងបើកទូលាយទីផ្សារប្រទេសចិនសម្រាប់ក្រុមហ៊ុនអាមេរិកផងដែរ។
លើសពីនេះទៅទៀត សហរដ្ឋអាមេរិកចង់ឲ្យប្រទេសចិនទិញផលិតផលអាមេរិកបន្ថែមដែលរួមមានកសិផល និងផលិតផលថាមពល ព្រមទាំងផលិតផលកែច្នៃជាដើមដើម្បីកាត់បន្ថយឱនភាពពាណិជ្ជកម្មអាមេរិកជាមួយនឹងប្រទេសចិនដែលត្រូវបានព្យាករណ៍ថាស្មើប្រមាណច្រើនជាង ៤១៧ប៊ីលានដុល្លារទៅទៀតក្នុងឆ្នាំ ២០១៨។
ប្រភពមួយចំនួនទៀតបានប្រាប់ដល់សារព័ត៌មាន Reuters ថាភាគីទាំងពីរនៅមានកិច្ចការច្រើនទៀតដែលត្រូវធ្វើមុននឹងអាចសម្រេចបានកិច្ចព្រមព្រៀងមួយលើវិធីដើម្បីធានាថាប្រទេសចិនធ្វើតាមការសន្យា ៕
ចែករំលែកព័តមាននេះ