ប្រភពព័ត៌មានផ្លូវការរាយការណ៍ កាលពីថ្ងៃទី១៧ កញ្ញា ថា កងទ័ពកូរ៉េខាងត្បូងបានបាញ់ជាច្រើនរយគ្រាប់ដើម្បីសម្លាប់បុរសម្នាក់ដែលប៉ុនប៉ងឆ្លងកាត់ដោយលួចលាក់ចូលទៅកូរ៉េខាងជើងដែលនោះជាឧប្បត្តិហេតុដ៏កម្រមួយពុំធ្លាប់មានចាប់តាំងពី២០ឆ្នាំមកហើយ ។
បុរសឈ្មោះ ណាម យ៉ុងហូ ជាជនជាតិកូរ៉េខាងត្បូងម្នាក់ អាយុ៤៧ឆ្នាំ ត្រូវសម្លាប់កាលពីថ្ងៃទី១៦ កញ្ញា ពេលរូបគេប៉ុនប៉ងឆ្លងកាត់ស្ទឹងអីុមជីន ដែលនៅតាមកន្លែងខ្លះជាព្រំដែនភាគខាងលិចរវាងកូរ៉េទាំង២ ។
យោងតាមឧត្តមសេនីយ៍ CHO JONG SUL ថា កងទាហានបានបាញ់ព្រមានជាច្រើនគ្រាប់ មុនពេលបាញ់លើបុរសនេះ ។ លោកបញ្ជាក់ថា ទាហានយា៉ងតិច៣០នាក់នាំគ្នាបាញ់ជាច្រើនរយគ្រាប់លើបុរសនោះ ។ អ្នករត់ភៀសខ្លួនពីកូរ៉េខាងត្បូងទៅកូរ៉េខាងជើងកម្រមានបំផុត ខណៈជនជាតិកូរ៉េខាងជើង២៣.៥០០នាក់បានមកដល់កូរ៉េខាងត្បូង ក្រោយរត់ភៀសខ្លួនចេញពីរបបកុំមុយនីស្ត ៕
ចែករំលែកព័តមាននេះ