រាជធានីភ្នំពេញ៖ ក្នុងសង្គមសិល្បៈតារាប្រុសមួយចំនួនស្រឡាញ់ភេទដូចគ្នា ខ្លះបើកចំហ ខ្លះលាក់បាំង ។ មានដើមចម និងហេតុផលជាច្រើនបានកើតលើចំណុចមិនប្រក្រតីនេះ ។ ក្នុងសង្គមសិល្បៈតួប្រុសមួយចំនួនហាក់មិនពេញលក្ខណៈចង់បានរបស់ផលិតករ ជំនាញៗប៉ុន្មានឡើយ…
រាជធានីភ្នំពេញ៖ ក្នុងសង្គមសិល្បៈតារាប្រុសមួយចំនួនស្រឡាញ់ភេទដូចគ្នា ខ្លះបើកចំហ ខ្លះលាក់បាំង ។ មានដើមចម និងហេតុផលជាច្រើនបានកើតលើចំណុចមិនប្រក្រតីនេះ ។ ក្នុងសង្គមសិល្បៈតួប្រុសមួយចំនួនហាក់មិនពេញលក្ខណៈចង់បានរបស់ផលិតករ ជំនាញៗប៉ុន្មានឡើយ ។ ខុសពីអំឡុងជាង១០ឆ្នាំមុនតួប្រុសថតភាពយន្តរាងកាយសម្បទាពេញលក្ខណៈបើទោះជាខុសប្រក្រតីក៏ទស្សនិកជនមើលមិនដឹងសោះឡើយ ។ ជាពិសេសតួប្រុសជំនាន់មុនតស៊ូសម្តែងមិនខ្លាចក្តៅ គឺទ្រាំ ហើយចំទិសដៅអ្នកដឹកនាំរឿងចង់បាន ។ ផ្ទុយពីតារាប្រុសជំនាន់នេះខ្លះសាច់សជាងស្រី ថតកាន់ដាវជិះសេះហាលវាលក្រោមកម្តៅថ្ងៃគឺមិនថតទេ ឬថតវិញមិនសូវសម ។
កាលពីពេល ថ្មីៗកន្លងមកមានប្រភពឲ្យដឹងថា តារាប្រុសមួយចំនួនជាភេទទី៣ តែមិនចេញមុខហៅថាប្រភេទលាក់ចរិត ពិតខុសពីភេទទី៣មួយចំនួនទៀតបើកចំហ ។ ភាគច្រើនអ្នកលាក់ខ្លាចគេដឹងនោះតុបតែងកាយដូចជាប្រុសពិតមាឌឌាំងមាំ ។ គេសង្កេតដឹងទាល់តែត្រូវជាតិសុរាទើបចេញមកអស់ធាតុពិត ។
កន្លងមកគេធ្លាប់ដឹងមានតារាចម្រៀងប្រុសនិងតារាសម្តែងប្រុសមួយចំនួនបែកធ្លាយដំណឹងស្រឡាញ់ភេទដូចគ្នារហូតភរិយាដឹងក៏លែងលះឡើងផ្អើលសង្គមសិល្បៈ ។ នៅមានទៀតតារាប្រុសខ្លះ ភាគច្រើនតួ ថ្មីៗព្រោះតែចង់មានមុខថតរឿង និងសម្តែងតាមកម្មវិធី សុខចិត្តធ្វើជាប្រុសកំណាន់ឲ្យអ្នកដឹកនាំរឿងដែលមានចរិតជាស្រី ។ ក្នុងសង្គមសិល្បៈគេដឹងរឿងនេះច្រើន ពិសេស តារាៗតែនេះជារឿងឯកជន ដូច្នេះគេមិនសូវខ្វល់ ។
មួយទៀតគឺតួប្រុស និងតួប្រុសស្រឡាញ់គ្នាចំតែម្តង ដោយសារតែបានថតនៅក្បែរកាយគ្នាយូរ ទៅៗឃើញស្អាតទំនងក៏ចាប់ចិត្តទាក់ទងគ្នារហូតជួលផ្ទះនៅជាមួយគ្នាព្រោះតែទំហំចិត្តស្រឡាញ់មិនអាចបែកគ្នាបាន ។ ចំពោះតារាស្រីមួយចំនួនមិនសូវជាហ៊ានដក់ចិត្តជាមួយតារាប្រុសច្រើនពេកទេ ខ្លាចប៉ះប្រុសមិនពិតរហូតលាន់មាត់ថា«យូរទៅៗលែងទុកចិត្តប្រុសសិល្បៈតែងខ្លួនយ៉ាងស្អាតផូរផង់ខ្លាចតែប្រភេទស្រលាញ់ភេទដូចគ្នា »។
ដោយឡែក លោកម៉ាដូណាដែលប្រកាសស្រលាញ់ភេទដូចគ្នាបើកចំហជាមួយគូស្នេហ៍វ័យក្មេងបានឲ្យដឹងថាលោកមិនលាក់លៀមរឿងស្នេហ៍ភេទដូចគ្នានោះទេព្រោះជាធម្មជាតិគ្មានអ្នកណាចង់ធ្វើបែបនេះទេ ។ «ខ្ញុំ និងគូស្នេហ៍បានសម្រេចបំណងដូចគ្នា យើងនឹងធ្វើបន្តទៀត គឺការខិតខំរកសុីធ្វើអ្វីដែល ល្អៗសង្គមទទួលស្គាល់។ ក្រៅពីនេះយើងឃើញថាមានប្រុសស្នេហ៍ពេញមុខបើកចំហធ្វើឲ្យសង្គមស្គាល់ដែរដូចជាតារាសម្តែងចៅខ្មែរ និងគូស្នេហ៍ ប៉ុបពីនិងគូស្នេហ៍ ៕
ចែករំលែកព័តមាននេះ