រាជធានីភ្នំពេញ ៖ រូបថតជាច្រើនសន្លឹកត្រូវបានបង្ហោះដោយឡោម លក្ខិណា បង្ហាញថា នាងទើបតែសម្រាលកូន ដោយមិនធ្លាប់ដឹងថានាងមានស្វាមីទេ ។ ការបង្ហាញរូបភាពសម្រាលកូននេះកាលពីថ្ងៃទី៥ មីនា…
រាជធានីភ្នំពេញ ៖ រូបថតជាច្រើនសន្លឹកត្រូវបានបង្ហោះដោយឡោម លក្ខិណា បង្ហាញថា នាងទើបតែសម្រាលកូន ដោយមិនធ្លាប់ដឹងថានាងមានស្វាមីទេ ។ ការបង្ហាញរូបភាពសម្រាលកូននេះកាលពីថ្ងៃទី៥ មីនា ២០១៩ ។
មិត្តភក្តិសិល្បៈ និងក្រៅរង្វង់សិល្បៈបានចូលរួមអបអរសាទរនៅពេលឃើញឡោម លក្ខិណា រកបានម្ចាស់ចិត្តពិតត្រូវនិស្ស័យក្លាយជាប្តីប្រពន្ឋគ្នាសាងបានសុភមង្គលថ្វីបើមិនទាន់បានរៀបការក្តី ។ មានការលើកឡើងថាពួកគេក៏មានបំណងចង់រៀបការតាមប្រពៃណីដែរ តែនៅមិនទាន់សម្រេចផែនការរកលុយទុកដាក់បានច្រើនសមបំណង ។ ដូច្នេះហើយទើបសម្រេចចិត្តពន្យារពេលតទៅទៀត ។ ម្យ៉ាងសម័យនេះគេគិតរឿងរកទ្រព្យ ហើយការមានកូនក៏មិនមានអ្វីចម្លែកពេក គឺវាលែងដូចសម័យបុរាណទៀតហើយ ។
ស្វាមីឡោម លក្ខិណា ធ្លាប់ជាតួសម្តែងម្នាក់ដែរ គឺធ្លាប់ថតរាំច្រៀងឲ្យផលិតកម្មរៃមាសតោមាស និងផលិតកម្មបុប្ជាឈ្មោះប៉ា ពិសិដ្ឋ ។ ពួកគេបានចាប់ចិត្តស្រឡាញ់គ្នាច្រើនឆ្នាំមកហើយដោយលាក់មិនឲ្យគេចាប់អារម្មណ៍ពិសេសខាងសារព័ត៌មាន ។ ប៉ុន្តែពេលនេះបានលាតត្រដាងលែងមានអាថ៌កំបាំងចំពោះទស្សនិកជនទៀតហើយ នៅពេលពួកគេមានកូនដំបូងជាមួយគ្នានោះ ។
ឡោម លក្ខិណា បានចាប់ប្រឡូកក្នុងអាជីពសិល្បៈតាំងពីវ័យកុមារ ដោយនាងថតរឿងដំបូងគឺរឿង«កតញ្ញូ»ដោយចាប់ដៃគូជាមួយលី ច័ន្ទសីហា ។ ក្រោយមកសម្តែងរឿង«មរណៈមាតា»រហូតល្បីឈ្មោះដោយនាងច្រើនជាតួកាចឆ្នាស ។ នៅពេលពេញរូបរាងនាងថតសម្តែងរឿងច្រើនមកហើយទាំងដុំ និងភាគ ហើយនាងក៏ជាអតីតសមាជិកក្រុមរៃមាសតោមាសកាលពីឆ្នាំ២០០៣ ដោយនាងសាងបានលទ្ឋផលច្រើនលើពិភពសិល្បៈ ។ នាងធ្លាប់ចេញទៅច្រៀងនៅក្រៅប្រទេសផងដែរ ៕
ចែករំលែកព័តមាននេះ