រាជធានីភ្នំពេញ៖ តារាសម្ដែងវ័យក្មេង លោករុន ណាកូ ពីមុនតែងតែសរសើរពីទឹកចិត្តគូដណ្ដឹងថាបើកទូលាយចំពោះរបស់ខ្លួនក្នុងការងារសិល្បៈ តែមួយរយៈចុងក្រោយនេះស្រាប់តែស្និទ្ធស្នាលជាមួយដៃគូសម្ដែងកញ្ញាទេព មុន្នីរក្សា ទៅវិញ ។
កាលពីពេល ថ្មីៗកន្លងមកតារាសម្ដែងលោក រុន ណាកូ បានឲ្យដឹងថារវាងលោក និងគូដណ្ដឹងសម្រេចបែកផ្លូវគ្នាហើយ ។ បែបនេះហើយទើបលោកមានសេរីភាពគ្រប់គ្រាន់សម្រាប់ការងារសិល្បៈ ដោយចង់សម្តៅថាមិនខ្លាចនឹងបណ្ដើរ ឬកៀកកើយជាមួយតារាស្រីណាមួយនៅក្នុងការងារសិល្បៈទៀតឡើយ ។ ចំពោះភាពស្និទ្ធស្នាលជាមួយកញ្ញាទេព មុន្នីរក្សា នោះ លោករុន ណាកូ អះអាងថានៅមិនទាន់មានអារម្មណ៍ស្រឡាញ់គ្នាទេ ដោយគ្រាន់តែមានអារម្មណ៍ចូលចិត្តគ្នា ច្រើនឡើងៗប៉ុណ្ណោះ។
ចំណែកកញ្ញាទេព មុន្នីរក្សា វិញនិយាយថា កាលពីមុនលោករុន ណាកូ មិនទាន់បែកពីគូដណ្ដឹងនាងគ្រាន់តែហ៊ានស្និទ្ធស្នាលក្នុងនាមសិល្បៈប៉ុណ្ណោះ ប៉ុន្តែនៅពេលដឹងថាលោកបែកគ្នាហើយទើបធ្វើឲ្យនាងហ៊ានស្និទ្ធស្នាលជាងមុន និងគ្មានក្តីបារម្ភ ។
កញ្ញាទេព មុន្នីរក្សា និយាយថា «នៅមិនទាន់ដឹងថាអារម្មណ៍ចូលចិត្តដែលបានកើតឡើងគឺជាអារម្មណ៍ស្នេហា ឬគ្រាន់តែចង់ស្និទ្ធស្នាលដើម្បីឲ្យកាន់តែយល់ចិត្តគ្នាក្នុងការរាប់អាននោះទេ ក្នុងពេលដែលនាងខ្ញុំក៏មិនទាន់រកឃើញបុរសណាម្នាក់ជាម្ចាស់បេះដូង »។
លោករុន ណាកូ និយាយថា«ខ្ញុំមិនទាន់ចង់មានស្នេហាថ្មីជំនួសគូដណ្ដឹងនោះឡើយ ដោយសារតែរវាងខ្ញុំ និងគូដណ្ដឹងដ្បិតថាបានសម្រេចចិត្តបញ្ចប់គ្នា តែអនុស្សាវរីយ៍គឺនៅ ក្ដៅៗដែលធ្វើឲ្យខ្ញុំមិនទាន់អាចបំភ្លេចបាន និងយល់ថាមិនទាន់ចង់បានគូស្នេហ៍មកជាប់ដៃជាប់ជើងក្រោយបែកបាក់អ្នកចាស់បែបនេះនោះឡើយ»៕
ចែករំលែកព័តមាននេះ