រាជធានីភ្នំពេញ ៖ សហរដ្ឋមេរិកបានផ្តល់ជំនួយ២លានដុល្លារអាមេរិក ដល់អង្គភាពស៊ីម៉ាក់សម្រាប់ការដោះមីននៅកម្ពុជា ។ យោងតាមបណ្តាញសង្គមហ្វេសប៊ុករបស់លោកហេង រតនាអគ្គនាយកស៊ីម៉ាក់ កាលពីថ្ងៃទី០៥ ខែមីនា ឆ្នាំ២០១៩នេះ…
រាជធានីភ្នំពេញ ៖ សហរដ្ឋមេរិកបានផ្តល់ជំនួយ២លានដុល្លារអាមេរិក ដល់អង្គភាពស៊ីម៉ាក់សម្រាប់ការដោះមីននៅកម្ពុជា ។ យោងតាមបណ្តាញសង្គមហ្វេសប៊ុករបស់លោកហេង រតនាអគ្គនាយកស៊ីម៉ាក់ កាលពីថ្ងៃទី០៥ ខែមីនា ឆ្នាំ២០១៩នេះ មន្ត្រីគ្រប់គ្រងគម្រោងកម្មវិធីជំនួយដោះមីនមកពីក្រសួងការបរទេសអាមេរិកបានចុះទៅពិនិត្យសកម្មភាពប្រតិបត្តិការរបស់អង្គភាពស៊ីម៉ាក់នៅទិសខេត្តត្បូងឃ្មុំ ។
ទន្ទឹងនឹងនេះដែររដ្ឋាភិបាលសហរដ្ឋអាមេរិកបានសម្រេចផ្តល់ជំនួយមកអង្គភាពស៊ីម៉ាក់ចំនួន២លានដុលា្លរសម្រាប់រយៈពេល១២ខែ(០១ខែមីនា ២០១៩-២៨ ខែកុម្ភៈ ២០២០) ហើយគម្រោងនេះជាឆ្នាំទី២ នៃការដេញថ្លៃក្នុងឆ្នាំ២០១៨កន្លងទៅនេះ ។ គំរោងនេះជាកិច្ចសហការវាងអង្គភាពស៊ីម៉ាក់ និងអង្គការ NPA ដែលត្រូវចុះហត្ថលខាអនុវត្តគម្រោងរវាង CMAC និងNPA ដ៏ខ្លីខាងមុខនេះ ! ។
សូមរំលឹកថា នៅឆ្នាំ២០១៨ អង្គភាពស៊ីម៉ាក់បានទទួលជំនួយថវិកាចំនួន១.៦លានដុល្លារពីអាមេរិក ដើម្បីបោសសម្អាតគ្រាប់បែកចង្កោមរយៈពេលមួយឆ្នាំ (គិតចាប់ពីថ្ងៃទី០១ ខែមីនា ឆ្នាំ២០១៨ ដល់ថ្ងៃទី២៨ ខែកុម្ភៈ ឆ្នាំ២០១៩ ដែលនេះជាឆ្នាំទី១ នៃរយៈពេល២ឆ្នាំ) លើផ្ទៃដី២,២០០ហិកតា នៅខេត្តភាគខាងកើតកម្ពុជា ៕
ចែករំលែកព័តមាននេះ