សម្រាប់លោកអ្នកដែលទន្ទឹងរង់ចាំឱកាស ក្នុងការបង្អួតសម្រស់កន្លែងកម្សាន្តនានា ដែលមាននៅក្នុងខេត្ត-រាជធានី ឬស្រុកកំណើតរបស់លោកអ្នក ពេលនេះឱកាសបានមកដល់ សម្រាប់លោកអ្នកហើយ ព្រោះក្រុម ហ៊ុន អាយ អេស អាយ ស្ទៀល (ISI STEEL) បានបង្កើតនូវកម្មវិធីប្រកួតប្រជែងវីដេអូខ្លីៗក្រោមប្រធាន បទ«តោះទៅលេងខេត្តខ្ញុំ» ដើម្បីអោយលោកអ្នកមានឱកាសក្នុងការបង្ហាញសមត្ថភាព ផ្ដិតយកនូវរូបភាពស្អាតៗពីទេសភាពបែបធម្មជាតិ នៅស្រុកកំណើតរបស់លោកអ្នក ។
ងាយៗជាមួយនឹងលក្ខន្តិកៈសម្រាប់ការចូលរួមមាន៖
១- ការថតវីដេអូ គឺលោកអ្នកអាចប្រើប្រាស់ទូរសព្ទដៃ ឬកាមេរ៉ាក៏បាន
២ – វីដេអូដែលលោកអ្នកនឹងយកមកប្រកួតមានថេរវេលាត្រឹម ២-៣នាទី
៣ – ក្នុងវីដេអូរបស់អ្នកអាចនិយាយជាភាសាខ្មែរ ជាមួយនឹង Subtitle ជា អង់គ្លេស ឬ និយាយជា ភាសាអង់គ្លេសមានជាមួយនឹងSubtitle ជាភាសាខ្មែរ
៤ – សម្រាប់វីដេអូដែលត្រូវដាក់ប្រកួតអាចធ្វើជាក្រុម ឬម្នាក់ឯងបាន
៥ – មិនតម្រូវអោយបង្ហាញនូវរូបភាពបារី និងស្រាបៀរណាមួយឡើយ ។
ការចុះឈ្មោះដើម្បីចូលរួមប្រកួតប្រជែងវីដេអូខ្លី នឹងចាប់ផ្ដើមពីថ្ងៃ ទី១- ២២ ខែមីនា ឆ្នាំ២០១៩ ហើយ
វីដេអូរបស់លោកអ្នកនឹងផុសក្នុងគេហទំព័រហ្វេសបុកផ្លូវការរបស់ក្រុមហ៊ុន អាយ អេស អាយ ស្ទៀល ដើម្បីទទួលការបោះឆ្នោត ។ សម្រាប់ការបោះឆ្នោតគឺសម្រាប់ ១ Like ស្មើនឹង១ពិន្ទុ និងការ Share ចំនួន១ ស្មើនឹង ៣ពិន្ទុ (1 Like= 1score , 1 Share = 3 score ) ចាប់ពីថ្ងៃទី២៤ មីនា ដល់ថ្ងៃទី៧ មេសា ២០១៩ ។
សម្រាប់លទ្ធផលនៃការប្រកួត ក្រុមហ៊ុននឹងផ្ដល់ដំណឹងតាមរយៈអុីម៉ែលរបស់លោកអ្នក រួមជាមួយនឹងការផុសក្នុងគេហទំព័រហ្វេសបុកក្រុមហ៊ុន អាយ អេស អាយ ស្ទៀលនៅថ្ងៃទី៩ មេសា ២០១៩ផងដែរ ។ អ្វីដែលពិសេសបំផុតនោះ អ្នកដែលទទួលបានជ័យលាភីលេខ១ ទទួលបានទឹកប្រាក់ចំនួន ៦២៥ដុល្លារ ជ័យលាភីលេខ២ ទទួលបាន ៣០០ដុល្លារ និងជ័យលាភីលេខ៣ ទទួលបានទឹកប្រាក់ចំនួន ១២៥ដុល្លារ ។
ដូច្នេះ កុំភ្លេចចូលរួមទាំងអស់គ្នាណា ! បានបង្ហាញសមត្ថភាពថតវីដេអូ បានឱកាសបង្ហាញពីសម្រស់នៃស្រុកកំណើត ហើយថែមទាំងមានឱកាសឈ្នះបានរង្វាន់ជាទឹកប្រាក់ទៀតផង ។ សម្រាប់ព័ត៌មានបន្ថែម លោកអ្នកអាចទាក់ទងតាមលេខទូរសព្ទ ០១៥ ៧៧៧ ២៥៤ ៕
ចែករំលែកព័តមាននេះ