រាជធានីភ្នំពេញ ៖ ជនជាតិម៉ាឡេស៊ីជាប្រធានផ្នែកលក់របស់ក្រុមហ៊ុនអចលណៈទ្រព្យ ណត ផាក ម្នាក់ត្រូវបានក្រុមហ៊ុនប្តឹងនគរបាលប៉ុស្តិ៍អូបែកក្អមអោយឃាត់ខ្លួនកាលវេលាម៉ោង៤និង៣០នាទីនៅថ្ងៃទី០៤ ខែមីនា ឆ្នាំ២០១៩ ពីបទ«រំលោភលើទំនុកចិត្ត» (ដកយកលុយក្រុមហ៊ុនចាយ)…
រាជធានីភ្នំពេញ ៖ ជនជាតិម៉ាឡេស៊ីជាប្រធានផ្នែកលក់របស់ក្រុមហ៊ុនអចលណៈទ្រព្យ ណត ផាក ម្នាក់ត្រូវបានក្រុមហ៊ុនប្តឹងនគរបាលប៉ុស្តិ៍អូបែកក្អមអោយឃាត់ខ្លួនកាលវេលាម៉ោង៤និង៣០នាទីនៅថ្ងៃទី០៤ ខែមីនា ឆ្នាំ២០១៩ ពីបទ«រំលោភលើទំនុកចិត្ត» (ដកយកលុយក្រុមហ៊ុនចាយ) នៅចំណុចក្រុមហ៊ុនអចលណៈទ្រព្យ ណត ផាក ផ្លូវ២០០៤ ភូមិអ័កគីដេរ សង្កាត់អូរបែកក្អម ខណ្ឌសែនសុខ ។
ជនសង្ស័យឈ្មោះ TAN CHEE KEONG CHRISTOPHER ភេទប្រុស អាយុ៤៩ឆ្នាំ ជនជាតិម៉ាឡេស៊ី មុខរបរប្រធានផ្នែកលក់របស់ក្រុមហ៊ុនអចលណៈទ្រព្យ ណត ផាក ស្នាក់នៅផ្ទះជួល ផ្លូវ៤៩២ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ កាន់លិខិតឆ្លងដែនលេខ A24926868 ។ ចំណែកជនរងគ្រោះជាអ្នកប្តឹងឈ្មោះ ធិ ទេវី ភេទស្រី អាយុ៣៩ឆ្នាំ មុខរបរបុគ្គលិកក្រុមហ៊ុនអចលណៈទ្រព្យ ណត ផាក ស្នាក់នៅផ្ទះលេខ១៣១ ផ្លូវបេតុង ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ (តំណាងក្រុមហ៊ុន) ។
តាមព័ត៌មានអោយដឹងថា ជនជាតិបរទេសនោះត្រូវបានក្រុមហ៊ុនប្តឹងរំលោភលើទំនុកចិត្តដោយដកលុយចំនួន ២៦១២០០ដុល្លារយកស៊ីចាយអស់ ។
តាមព័ត៌មានអោយដឹងថា ជនសង្ស័យបានចូលមកប្រទេសកម្ពុជាដោយបានធ្វើការជាប្រធានផ្នែកលក់របស់ក្រុមហ៊ុនអចលណៈទ្រព្យខាងលើ ហើយជនសង្ស័យខាងលើបានដកយកលុយពីក្រុមហ៊ុនចាយវាយចំនួន០៥លើក សរុបជាទឹកប្រាក់ចំនួន ២៦១២០០ដុល្លារ ។
នៅថ្ងៃកើតហេតុក្រុមហ៊ុនបានធ្វើការពិនិត្យបញ្ជីទើបដឹងថា ជនសង្ស័យបានដកយកលុយរបស់ក្រុមហ៊ុនទៅចាយក៏បានធ្វើការឃាត់ខ្លួនជនសង្ស័យ ប្រគល់ឲ្យសមត្ថកិច្ចប៉ុស្តិ៍រដ្ឋបាលអូរបែកក្អមធ្វើការសាកសួរ និងចាត់ការចាត់ការតាមច្បាប់តែម្តង ៕
ចែករំលែកព័តមាននេះ