រាជធានីភ្នំពេញ ៖ នៅក្នុងសន្និបាតបូកសរុបការងារឆ្នាំ២០១៨ និងលើកទិសដៅឆ្នាំ២០១៩ នាព្រឹកថ្ងៃទី៥មីនា នេះ ស្ថិតនៅទីស្តីការក្រសួងការបរទេស លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការបានមានប្រសាសន៍ «បញ្ហាព្រំដែនជាមួយឡាវ នៅសល់(ដប់បួនភាគរយ)(១៤%) នេះ ក្លាយទៅជាចំណុចក្តៅរវាងប្រទេសទាំងពីរ ហើយចំនួន៨៦%សម្រេចរួបចហើយ។
លោកឧបនាយករដ្ឋមន្ត្រីបន្តថា ចំពោះបញ្ហាព្រំដែនជាមួយប្រទេសឡាវ ការធ្វើបែបបទបច្ចេកទេស ដែលត្រូវជូនទៅភាគីបារាំង ដើម្បីឱ្យបារាំងឆ្លើយតបនឹងសំណើរបស់នាយករដ្ឋមន្ត្រីទាំងពីរ (កម្ពុជា-ឡាវ) ដែលបានស្នើសុំអ្នកជំនាញបារាំង ដើម្បីផ្ទេរផែនទី ពី១លើ១០០.០០០(១/១០០.០០០) មកផែនទី១លើ៥០០.០០០(១/៥០០.០០០)វិញ គឺធំជាងមុន២ដង ងាយស្រួលជាងក្នុងការរវាស់វែងកំណត់ព្រំដែននៃប្រទេសទាំងពីរ ពាក់ព័ន្ធនឹងតំបន់ដែលនៅសេសសល់ជាមួយគ្នា ។
លោកបន្តថា ចំណុចនៅសេសសល់ចំនួន១៤% នេះបានក្លាយជាចំណុចក្តៅនៃប្រទេសទាំងពីរកន្លងមកប្រទេសទាំងពីរបានផ្លាស់ប្តូរសំណើរជាច្រើនដង ។ តែកម្ពុជាមិនអាចទទួលយកបាន ចំពោះការលើកឡើងរបស់ភាគីឡាវ ខុសទៅនឹងអ្វីដែលនាយករដ្ឋមន្ត្រីបានស្នើ។ គោលដៅដែលនាយករដ្ឋមន្ត្រីទាំងពីរស្នើឲ្យអ្នកបច្ចេកទេសជួយធ្វើការផ្ទេរផែនទី ។ប៉ុន្តែភាគីឡាវពេលជួបថ្មីៗនេះ បានដកចំណុចនេះចោល និងបាននិយាយទៅលើផែនទីផ្សេងទៅវិញ ។
ចែករំលែកព័តមាននេះ