ប្រចៀវគឺជាសត្វដែលចូលចិត្តរស់នៅជាហ្វូង ចេញដំណើររកស៊ីជាហ្វូង និងចាំសំបុករបស់វា លុះត្រាតែសំបុកស្អុះស្អាប់ដូចជា ស្រមើរ និងសង្កើច ទើបវាលែងនៅមួយរយៈដោយផ្លាស់ទៅនៅសំបុកផ្សេង លុះសំបុកចាស់លែងមានសត្វល្អិតយីយាហើយ វានឹងត្រឡប់មករស់នៅវិញ។ អ្វីពិសេសនោះ…
ប្រចៀវគឺជាសត្វដែលចូលចិត្តរស់នៅជាហ្វូង ចេញដំណើររកស៊ីជាហ្វូង និងចាំសំបុករបស់វា លុះត្រាតែសំបុកស្អុះស្អាប់ដូចជា ស្រមើរ និងសង្កើច ទើបវាលែងនៅមួយរយៈដោយផ្លាស់ទៅនៅសំបុកផ្សេង លុះសំបុកចាស់លែងមានសត្វល្អិតយីយាហើយ វានឹងត្រឡប់មករស់នៅវិញ។ អ្វីពិសេសនោះ គឺហ្វូងប្រចៀវមុនពេលចេញរកចំណីម្តងៗ គឺសុទ្ធតែមានមេខ្យល់ចេញមើលអាកាសធាតុសិន។ នេះបើយោងតាមគេហទំព័រក្រសួងកសិកម្ម រុក្ខាប្រមាញ់ និងនេសាទ ។
បើនិយាយពីម៉ោងដែលប្រចៀវចេញរកស៊ីវិញ គឺនៅម៉ោងប្រមាណ៥-៦ល្ងាច លុះម៉ោងប្រហែល៩-១០យប់វានឹងហើរចូលទ្រនំវិញជាបន្តបន្ទាប់រហូតដល់ជិតភ្លឺឯណោះ ទើបហើរចូលសំបុកអស់ ។ ប៉ុន្តែអ្វីដែលពិសេសហើយប្លែកនោះ នៅពេលហ្វូងប្រចៀវជិតចេញដំណើរទៅរកស៊ី គឺត្រូវមានមេខ្យល់វាចំនួន៤ទៅ៥ក្បាលចេញពីសំបុកមុនមកឆ្វែលមើលជុំវិញ២ទៅ៣ដងឯណោះ ដើម្បីមើលអាកាសធាតុ និងស្ថានភាព តើអាចចេញដំណើរបានឬទេ? បន្ទាប់មកទើបវាសម្រេចចិត្តចេញពីសំបុកទាំងហ្វូងដើម្បីទៅរកស៊ី ។
សត្វប្រចៀវមានកូនតែម្តងទេក្នុង១ឆ្នាំ គឺនៅខែមេសា ដោយមេ១ក្បាលអាចកើតកូនបានតែ២ក្បាលប៉ុណ្ណោះ ។ បើល្បឿនដែលវាហើររកចំណីវិញគឺ៣២គីឡូម៉ែត្រក្នុង១ម៉ោង ហើយសត្វប្រចៀវ១ក្បាលអាចផ្ទុកចំណីត្រឹម១ភាគ៣នៃទម្ងន់ខ្លួនរបស់វាទេ។
ទីនេះជារបៀបចិញ្ចឹមប្រចៀវ ៖ គេចិញ្ចឹមប្រចៀវបែបណា…!!!
ចែករំលែកព័តមាននេះ