ប្រទេសឥណ្ឌូណេស៊ី ៖ បើតាមអាជ្ញាធរឥណ្ឌូណេស៊ី បានគូសបញ្ជាក់នាថ្ងៃទី៤ ខែមីនា ឆ្នាំ២០១៩ ថា អ្នកនៅរស់រានមានជីវិត១៩នាក់ និងសាកសពកម្មកររ៉ែ៩នាក់ ត្រូវបាននាំយកចេញពីអណ្ដូងរ៉ែមាសខុសច្បាប់មួយ ដែលបាក់កាលពីសប្ដាហ៍មុន នៅភាគខាងជើងនៃកោះសេឡែប។
គេសង្ស័យថា មនុស្សច្រើននាក់ទៀត អាចជាប់ក្នុងអណ្ដូងរ៉ែមាសនោះ ប៉ុន្តែក្ដីសង្ឃឹមតាមរកឃើញអ្នកនៅរស់រានមានជីវិតត្រូវរលាយអស់ហើយ ក្រោយគ្រោះថ្នាក់នោះបណ្ដាលមកពីការបាក់ដី។
លោក SUTOPO PURWO NOGROHO អ្នកនាំពាក្យរបស់ទីភ្នាក់ងារគ្រប់គ្រងគ្រោះ មហន្តរាយឥណ្ឌូណេស៊ីនិយាយថា គេលំបាកក្នុងការវាយតម្លៃលើចំនួនពិតប្រាកដ នៃកម្មកររ៉ែ ដែលអាចជាប់ក្នុងអណ្ដូងរ៉ែដែលតូចចង្អៀតនោះ។ អ្នកនៅរស់រានមានជីវិតខ្លះថា មាន៣០នាក់ ខ្លះទៀតថាមាន៥០នាក់ ខ្លះថាមាន៦០នាក់រួចខ្លះថាមានដល់១០០នាក់៕
ចែករំលែកព័តមាននេះ