ខេត្តកាកែវ ៖ ក្នុងរយៈពេល៣ថ្ងៃនាចុងសប្ដាហ៍នេះសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) បានសហការជាមួយអង្គការមូលនិធិពុទ្ធសាសនាឆឺជីកម្ពុជា រួមទាំងក្រុមវេជ្ជបណ្ឌិតជាតិ និងអន្តរជាតិចំនួន២៨៥នាក់ មកពី៨ប្រទេស គឺតៃវ៉ាន់ សិង្ហបុរី ម៉ាឡេស៊ី វៀតណាម ឡាវ កម្ពុជា អាមេរិក និងបារាំង ដើម្បីចុះពិនិត្យ និងព្យាបាលជូនប្រជាពលរដ្ឋនៅស្រុកព្រៃកប្បាស ខេត្តតាកែវ ដោយគិតថ្លៃរយៈពេល៣ថ្ងៃ គឺចាប់ពីថ្ងៃទី១ ដល់ថ្ងៃទី៣ ខែមីនា ឆ្នាំ២០១៩ ។
លោកបណ្ឌិត ពេជ សោភ័ន រដ្ឋលេខាធិការប្រចាំការក្រសួងការងារ និងបណ្ដុះបណ្ដាលវិជ្ជាជីវៈ អនុប្រធានក្រុមការងារថ្នាក់ជាតិចុះមូលដ្ឋានខេត្តតាកែវ និងជាសហប្រធានក្រុមការងារថ្នាក់ជាតិចុះមូលដ្ឋានស្រុកព្រៃកប្បាសបានមានប្រសាសន៍ថា ការចុះពិនិត្យ និងព្យាបាលជូនប្រជាពលរដ្ឋនៅក្នុងស្រុកព្រៃកប្បាសដោយឥតគិតថ្លៃនេះ គឺជាគោលនយោបាយ និងការយកចិត្តទុកដាក់របស់រាជរដ្ឋាភិបាលកម្ពុជាដែលមានសម្ដេចតេជោហ៊ុន សែន នាយករដ្ឋមន្ត្រី ដែលលោកតែងតែគិតគូរយកចិត្តទុកដាក់ជាប់ជានិច្ចចំពោះសុខទុក្ខ និងសុខុមាលភាពរបស់ប្រជាពលរដ្ឋ ។
លោកវេជ្ជបណ្ឌិត ស៊ូ ស៊ីផាន់ណា នាយកប្រតិបត្តិសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) បានមានប្រសាសន៍ថា ការសហការធ្វើសកម្មភាពមនុស្សធម៌ដោយការចុះពិនិត្យ និងព្យាបាលជំងឺជូនប្រជាពលរដ្ឋដោយឥតថ្លៃនៅក្នុងស្រុកព្រៃកប្បាសនាពេលនេះ គឺបានយកចិត្តទុកដាក់ពីសំណាក់បងប្រុសហ៊ុន ម៉ាណែត និងបងស្រីពេជ ចន្ទមុន្នី ដែលលោកតែងតែឲ្យក្រុមការងារ និងកម្លាំងស្ម័គ្រចិត្តចូលរួមសហការ និងធ្វើការងារមនុស្សធម៌ជូនប្រជាពលរដ្ឋដោយប្រើទាំងជំនាញ និងទឹកចិត្តស្រឡាញ់ចំពោះប្រជាពលរដ្ឋ ។
សូមបញ្ជាក់ថា ប្រជាពលរដ្ឋដែលមកទទួលការពនិត្យ និងព្យាបាលជម្ងឺ ដែលចូលរួមទាំងអស់សរុបចំនួន ៥,៧៨៩នាក់ ត្រូវបានពិនិត្យនិងព្យាបាលដោយឥតគិតថ្លៃដោយសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) និងក្រុមវេជ្ជបណ្ឌិតចំនួន៥០នាក់ នៃអង្គការមូលនិធិពុទ្ធសាសនាឆឺជីកម្ពុជារួមទាំងក្រុមវេជ្ជបណ្ឌិតជាតិ និងអន្តរជាតិចំនួន២៨៥នាក់មកពី៨ប្រទេសគឺចិន(តៃវ៉ាន់)សិង្ហបុរី ម៉ាឡេស៊ី វៀតណាម ឡាវ កម្ពុជា អាមេរិក និងបារាំង សកម្មភាពមនុស្សធម៌នេះ ស្ថិតក្រោមវត្តមានលោកបណ្ឌិត ពេជ សោភ័ន រដ្ឋលេខាធិការប្រចាំការក្រសួងការងារ និងបណ្ដុះបណ្ដាលវិជ្ជាជីវៈ អនុប្រធានក្រុមការងារថ្នាក់ជាតិចុះមូលដ្ឋានខេត្តតាកែវ និងជាសហប្រធានក្រុមការងារថ្នាក់ជាតិចុះមូលដ្ឋានស្រុកព្រៃកប្បាស ខេត្តតាកែវ លោកវេជ្ជបណ្ឌិត ស៊ូ ស៊ីផាន់ណា នាយកប្រតិបត្តិសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) និងក្រុមវេជ្ជបណ្ឌិតចំនួន៥០នាក់ លោកជៀន សូស៊ីញ តំណាងអង្គការមូលនិធិពុទ្ធសាសនាឆឺជីកម្ពុជារួមទាំងក្រុមវេជ្ជបណ្ឌិតជាតិ និងអន្តរជាតិ សរុបក្រុមវេជ្ជបណ្ឌិតទាំងអស់ចំនួន៣៣៥នាក់ ជាមួយគ្នានោះដែលក៏មានការអញ្ជើញចូលរួមពីឯកឧត្តមក្រុមការងារថ្នាក់ជាតិចុះជួយឃុំទាំង១៣ក្នុងស្រុកព្រៃកប្បាស អាជ្ញាធរ យុវជន និងផ្នែកដែលពាក់ព័ន្ធផងដែរ៕
ចែករំលែកព័តមាននេះ