រាជធានីភ្នំពេញ ៖ ទីបំផុត លោកពេជ្រ វិជ្ជាធរ ចៅក្រមសើុបសួរសាលាដំបូងរាជធានីភ្នំពេញ នាវេលាម៉ោង៤និង៣០នាទីរសៀលថ្ងៃទី២ មីនា បានសម្រេចចេញដីកាឃុំខ្លួនជនសង្ស័យ១៧នាក់ដាក់ពន្ធនាគារព្រៃសជាបណ្តោះអាសន្ន ក្រោមការចោទពីបទប្រើប្រាស់…
រាជធានីភ្នំពេញ ៖ ទីបំផុត លោកពេជ្រ វិជ្ជាធរ ចៅក្រមសើុបសួរសាលាដំបូងរាជធានីភ្នំពេញ នាវេលាម៉ោង៤និង៣០នាទីរសៀលថ្ងៃទី២ មីនា បានសម្រេចចេញដីកាឃុំខ្លួនជនសង្ស័យ១៧នាក់ដាក់ពន្ធនាគារព្រៃសជាបណ្តោះអាសន្ន ក្រោមការចោទពីបទប្រើប្រាស់ សម្រួល និងចាត់ចែងចែកចាយនូវសារធាតុញៀន ។ ជនសង្ស័យទាំង១៧នាក់នេះ ត្រូវបានចម្រាញ់ចេញពីជាង៣០០នាក់ ដែលសមត្ថកិច្ចបង្ក្រាបនៅមជ្ឍមណ្ឌលកម្សាន្តរ៉ក់ កាលពីវេលារំលងអធ្រាត្រឈានចូលថ្ងៃទី២៣ ខែកុម្ភៈ ពាក់ព័ន្ធនឹង
គ្រឿងញៀនជាង២១គីឡូក្រាម ដែលរួមមាន ៖
១-ឈ្មោះ សោម ស៊ីថង ភេទប្រុស អាយុ២១ឆ្នាំ ចាប់ក្នុងបន្ទប់លេខ២០៦ ជាជាងថតរូប ស្នាក់នៅផ្ទះលេខ៣៥E0 ផ្លូវលេខ១០៩ សង្កាត់វាលវង់ ខណ្ឌ៧មករា ។២-ឈ្មោះ សុខ សំណាង ភេទប្រុស អាយុ៣៩ឆ្នាំ ចាប់នៅបន្ទប់លេខ២០៦ មុខរបរលក់ខោអាវតាមអនឡាញ ស្នាក់នៅផ្ទះជួលក្នុងសង្កាត់ច្បារអំពៅ ខណ្ឌច្បារអំពៅ ។៣-ឈ្មោះ ម៉េង សុផាន់ឋានៈ ភេទប្រុស អាយុ២១ឆ្នាំ ចាប់នៅបន្ទប់លេខ២០៩ មុខរបរ
ចុងភៅ ស្នាក់នៅផ្ទះជួលតាមផ្លូវត្រសក់ផ្អែម សង្កាត់ផ្សារថ្មីទី៣ ខណ្ឌដូនពេញ ។៤-ឈ្មោះ សន សិរីសម្បត្តិ ភេទប្រុស អាយុ២១ឆ្នាំ ចាប់នៅបន្ទប់លេខ២០៩ មុខរបរចុងភៅ ស្នាក់នៅផ្ទះជួលតាមផ្លូវត្រសក់ផ្អែម សង្កាត់ផ្សារថ្មីទី៣ ខណ្ឌដូនពេញ ។
៥-ឈ្មោះ សេង សុខឃាង ហៅ ធីប៊ី ភេទប្រុស អាយុ២២ឆ្នាំ ចាប់នៅបន្ទប់លេខ២០៩ មុខរបរមិនពិតប្រាកដ ស្នាក់នៅផ្ទះ១៧៤ ផ្លូវលេខ១២៨ សង្កាត់មិត្តភាព ខណ្ឌ៧មករា ។៦-ឈ្មោះ ញី ជីលាំង ភេទប្រុស អាយុ២២ឆ្នាំ ចាប់នៅបន្ទប់លេខ២៦០ មុខរបរមិនពិតប្រាកដ ស្នាក់នៅផ្ទះលេខ៦០A ផ្លូវលេខ៤៤០ សង្កាត់ទួលទំពូងទី១ ខណ្ឌចំការមន ។ ៧-ឈ្មោះ ឈុន ប៊ុនរ៉ានិ ភេទស្រី អាយុ២១ឆ្នាំ ចាប់នៅបន្ទប់លេខ២៥៨ មុខរបរលក់ខោអាវតាមអនឡាញ ស្នាក់នៅផ្ទះ១៣A ផ្លូវលំ ភូមិប៉ប្រក សង្កាត់កាកាប១ ខណ្ឌពោធិសែនជ័យ ៨-ឈ្មោះ នុយ វី ភេទប្រុស អាយុ២៦ឆ្នាំ ចាប់នៅបន្ទប់លេខ២៥៤ ជាសន្តិសុខនៅអង្គការមួយ ស្នាក់នៅផ្ទះជួលលេខ៥៧ ផ្លូវលេខ៣៧១ ភូមិឫស្សី សង្កាត់ស្ទឹងមានជ័យ ខណ្ឌមានជ័យ ។
៩-ឈ្មោះ នឹម រតនៈ ភេទប្រុស អាយុ២១ឆ្នាំ ចាប់នៅបន្ទប់លេខ២៥៤ ជាចុងភៅ ស្នាក់នៅផ្ទះជួលតាមផ្លូវត្រសក់ផ្អែម សង្កាត់ផ្សារថ្មីទី៣ ខណ្ឌដូនពេញ ។
១០-ឈ្មោះ ឡេង សុបញ្ញា ភេទប្រុស អាយុ១៩ឆ្នាំ ចាប់នៅបន្ទប់លេខ២៥៧ ជាសិស្ស ស្នាក់នៅភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ ។១១-ឈ្មោះ ថុង សារិន ភេទប្រុស អាយុ៣០ឆ្នាំ ចាប់នៅបន្ទប់លេខ២៥៧ ជា ជាងកាត់សក់ ស្នាក់នៅផ្ទះលេខ១៣៣ ផ្លូវលេខ១៥៤ សង្កាត់ផ្សារថ្មីទី៣ខណ្ឌដូនពេញ ។១២-ឈ្មោះ ឌួង សុផាត ភេទប្រុស អាយុ២១ឆ្នាំ ចាប់នៅបន្ទប់លេខ២០២ ជាតន្រី្តករស្នាក់នៅផ្ទះលេខ១២៣E0 ផ្លូវលេខ២២៣ សង្កាត់បឹងរាំង ខណ្ឌដូនពេញ ។១៣-ឈ្មោះ ឡេង ដារ៉ា ភេទប្រុស អាយុ២១ឆ្នាំ ចាប់នៅបន្ទប់លេខ២១០ ជាជាងជួសជុលម៉ូតូ ស្នាក់នៅផ្ទះលេខ៥១៨ ផ្លូវលេខ៣៧១ សង្កាត់បឹងទំពុនទី២ ខណ្ឌមានជ័យ ។១៤-ឈ្មោះ ឈាន វាសនា ភេទប្រុស អាយុ២១ឆ្នាំ ចាប់នៅបន្ទប់លេខ២០៧ បុគ្គលិកអុីនធើរណេត ស្នាក់នៅផ្ទះលេខ៧៩BE១ ផ្លូវលេខ១២២ សង្កាត់ផ្សារដេប៉ូទី៣ ខណ្ឌទួលគោក ។
១៥-ឈ្មោះ រ៉ា ភារម្យ ភេទប្រុស អាយុ២០ឆ្នាំ ចាប់នៅបន្ទប់លេខ២០៧ មុខរបរលក់ដូរ ស្នាក់នៅផ្ទះលេខ៤១ ផ្លូវបេតុងបុរីហុងឡាយ សង្កាត់ស្ទឹងមានជ័យ ខណ្ឌមានជ័យ ។១៦-ឈ្មោះ វ៉ា សុខហេង ភេទប្រុស អាយុ៤៧ឆ្នាំ ជាសន្តិសុខ ស្នាក់នៅផ្ទះជួលតាមផ្លូវត្រសក់ផ្អែម សង្កាត់ផ្សារថ្មីទី៣ ខណ្ឌដូនពេញ ។
១៧-ឈ្មោះ ចែត្រ ធូន ភេទប្រុស អាយុ៤៥ឆ្នាំ ជាសន្តិសុខ ស្នាក់នៅផ្ទះជួលតាមផ្លូវត្រសក់ផ្អែម សង្កាត់ផ្សារថ្មីទី៣ ខណ្ឌដូនពេញ ។
សមត្ថកិច្ចបានឲ្យដឹងថា ជនសង្ស័យត្រូវបាននាំទៅឃុំខ្លួនបណ្តោះអាសន្ននៅពន្ធនាគារព្រៃស ។សមាសភាពនៃក្រុមជនដែលមានវាសនាជាប់ឃុំនេះ មិនមែនជាមេខ្លោងក្នុងការនាំចូលគ្រឿងញៀនទៅក្នុងមជ្ឈមណ្ឌលកម្សាន្តរ៉ក់នោះឡើយ ។ មិនដឹងថា សមត្ថកិច្ចនឹងធ្វើការស្រាវជ្រាវរកមេខ្លោងបន្តទៀតឬបែបណានោះទេ ហើយការរង់ចាំពីការសន្និសីទសារព័ត៌មានមួយក៏មិនមានការធ្វើនោះដែរ ។
មជ្ឈមណ្ឌលជាច្រើននិយាយថា បឹងដ៏ធំមួយបាចទឹករីងខះទាំងយប់ នឹកថាមិនខ្វះទេត្រីរ៉ស់ ត្រីឆ្តោ ដឹងអីសុទ្ធតែផ្ទក់និងចង្វា…មិនដឹងអាធំៗលោតចូលរូងនាគណាទេ បាជាមិនឃើញមាន ៕
ចែករំលែកព័តមាននេះ