សម្តេចពិជ័យសេនា ទៀ បា.ញ់ ព្រមានមេទ័ព មិនឱ្យប្រើ …
- ភ្នំពេញ
រាជធានីភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ កាលរសៀលថ្ងៃទី១ ខែមីនា បានជួបសំណេះសំណាលជាមួយនាយទាហាន…
រាជធានីភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ កាលរសៀលថ្ងៃទី១ ខែមីនា បានជួបសំណេះសំណាលជាមួយនាយទាហាន…
រាជធានីភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ កាលរសៀលថ្ងៃទី១ ខែមីនា បានជួបសំណេះសំណាលជាមួយនាយទាហាន នាយទាហានរង នៅបញ្ជាការដ្ឋានកងរាជអាវុធហត្ថរាជធានីភ្នំពេញ ។ សម្តេចពិជ័យសេនា បានមានប្រសាសន៍សម្តែងនូវការមិនពេញចិត្តចំពោះការប្រើប្រាស់កងកម្លាំងអនុវត្តសាលដីកានៅខេត្តព្រះសីហនុ នាពេលកន្លង គឺវាហួសហេតុពេក វាគ្មានហេតុផងអ្វីយកកងកម្លាំងរាប់រយនាក់ទៅអនុវត្តទេ ។ នៅខេត្តព្រះសីហនុ មានការប្រើប្រាស់កងកម្លាំងជាង៣០០នាក់ គឺមិនត្រឹមត្រូវទាល់តែសោះ ដែលការតបតសុទ្ធតែអាវុធ ។ បើការទាមទារផ្តួលរំលំរាជ រដ្ឋាភិបាល គឺចាត់ការតែម្តង ។
សម្តេចពិជ័យសេនា ទៀ បាញ់ បានណែនាំដល់កងទ័ពគ្រប់រាជធានី-ខេត្ត មិនត្រូវប្រើប្រាស់កម្លាំងទៅអនុ វត្តដីកាទេ កងទ័ពគឺនៅឲ្យឆ្ងាយ។ សម្តេចពិជ័យសេនា ទៀ បាញ់ បានបញ្ជាក់ថា រាជរដ្ឋាភិបាលដឹកនាំដោយសម្តេច តេជោនាយករដ្ឋមន្ត្រី ហ៊ុន សែន ប្រទេស មានការរីកចម្រើន ។ ទប៎ស្កាត់ការប៉ុនប៉ង ធ្វើបដិវត្តន៍ពណ៌ កងរាជអាវុធហត្ថបានចូលរួមថែរក្សាសន្តិសុខសង្គមជូនប្រជាពលរដ្ឋ រក្សាបាននូវសន្តិភាពយ៉ាងល្អ ។ ក្នុងរយៈពេលចុងក្រោយនេះ កម្ពុជាប្រឈមនឹងការវាយប្រហារយ៉ាងខ្លាំងពីបរទេសនិងក្រុមប្រឆាំង តែរាជរដ្ឋាភិបាលប្រកាន់គោលការណ៍ឯករាជ្យ ហើយធានាលើកកម្ពស់ជីវភាពប្រជាជនឲ្យកាន់តែប្រសើរឡើងថែមទៀត ធានាសុវត្ថិភាពសង្គមទាំងពេលបច្ចុប្បន្ន និងអនាគត ។
សម្តេចពិជ័យសេនា ទៀ បាញ់ បានអំពាវនាវដល់កងយោធពលខេមរភូមិន្ទទាំងអស់ត្រូវអនុវត្តឲ្យបានខ្ជាប់ ខ្ជួននូវអនុសាសន៍របស់សម្តេចតេជោនាយករដ្ឋមន្ត្រី ហ៊ុន សែន ។ បន្តយកចិត្តទុកដាក់កសាងធន ធាន មនុស្ស នាយទាហានសម្រាប់បន្តវេន និងកំណែទម្រង់ កងទ័ពឲ្យបានស៊ីជម្រៅ។ សម្តេចពិជ័យសេនា ទៀ បាញ់ មានប្រសាសន៍ បញ្ជាក់ថា កងរាជអាវុធហត្ថត្រូវចូលរួមអនុវត្តគោលនយោបាយភូមិ ឃុំ មានសុវត្ថិ ភាព និង ចូលរួមអនុវត្តសារាចរផងដែរ ដើម្បីទប់ស្កាត់រការប៉ុនប៉ងផ្តួលរំលំរាជរដ្ឋាភិបាលស្រប ច្បាប់ ហើយបង្ក្រាបបទល្មើសឲ្យមានប្រសិទ្ធភាព ។
សម្តេចពិជ័យសេនា ទៀ បាញ់ ថ្លែងទៀតថា ត្រូវចែកឲ្យដាច់បទល្មើសនីមួយៗ គឺត្រូវបង្ក្រាបកម្លាំងប៉ុន ប៉ងផ្តួលរំលំរាជរដ្ឋាភិបាលស្របច្បាប់ ហើយការបង្ក្រាបត្រូវអនុវត្តឲ្យចំគោលដៅ ព្រោះកងរាជ អាវុធហត្ថបានហ្វឹកហាត់ជំនាញ និងមានជំនាញបង្ក្រាបបទល្មើសគ្រប់គ្រាន់ដោយសហការជាមួយអគ្គស្នងការដ្ឋាននគរបាលជាតិ ៕
ចែករំលែកព័តមាននេះ