ខេត្តឧត្តរមានជ័យ ៖ តាមសេចក្តីរាយការណ៍បឋមឲ្យដឹងថា កាលពីវេលាម៉ោង១២និង៣០នាទីថ្ងៃត្រង់ថ្ងៃទី៣ ខែមីនា ២០១៩ កំលាំងមូលដ្ឋានកងរាជអាវុធហត្ថស្រុកអន្លង់វែង ខេត្តឧត្តរមានជ័យចំនួន៨នាក់ ដឹកនាំដោយលោកវរៈសេនីទោ ងួន…
ខេត្តឧត្តរមានជ័យ ៖ តាមសេចក្តីរាយការណ៍បឋមឲ្យដឹងថា កាលពីវេលាម៉ោង១២និង៣០នាទីថ្ងៃត្រង់ថ្ងៃទី៣ ខែមីនា ២០១៩ កំលាំងមូលដ្ឋានកងរាជអាវុធហត្ថស្រុកអន្លង់វែង ខេត្តឧត្តរមានជ័យចំនួន៨នាក់ ដឹកនាំដោយលោកវរៈសេនីទោ ងួន ទ្ធីរិទ្ធ មេបញ្ជាការ កងរាជអាវុធហត្ថស្រុក បានចុះបង្ក្រាបជនសង្ស័យម្នាក់ជាប់ពាក់ព័ន្ធករណីប្រើប្រាស់ និងចែកចាយនូវសារធាតុញៀនខុសច្បាប់នៅចំណុចផ្ទះជួល ស្ថិតក្នុងភូមិអភិវឌ្ឍន៍ ឃុំអន្លង់វែង ស្រុកអន្លង់វែង ។
ជនសង្ស័យម្នាក់ខាងលើឈ្មោះ គឹម នៀង ភេទប្រុស អាយុ២៥ឆ្នាំ មុខរបរធ្វើចំការ រស់នៅភូមិដីក្រហម ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ។ ចំណែកវត្ថុតាងដកហូតបានរួមមាន ១-ម្សៅក្រាមពណ៏សសង្ស័យជាសារធាតុញៀន(ម៉ាទឹកក) ចំនួន៥ថង់ធំ និង១ថង់តូច សរុបស្មើជាងកន្លះគីឡូក្រាម ២-ទូរស័ព្ធដៃម៉ាកណូគា(អ៊ិនចុចពិល)១គ្រឿង ៣-ទូក្បាលគ្រែ(ទុកគ្រឿងញៀន)ចំនួនមួយ ៤-ប្រាក់ចំនួន១សែនរៀល ៥-ជញ្ជីងសំរាប់ថ្លឹងថ្នាំញៀន១គ្រឿង ៦-ពូថៅដៃ១ និងសម្ភារៈមួយចំនួនទៀត ។
សេចក្តីរាយការណ៍បានបន្តថា ថ្នាំញៀនជាងកន្លះគីឡូក្រាមដែលសមត្ថកិច្ចកងរាជអាវុធហត្ថស្រុកអន្លង់វែងបង្ក្រាបខាងលើនោះ គឺជនសង្ស័យបានរក្សាទុកដើម្បីចែកចាយបន្តទៀត ។
បច្ចុប្បន្ន ជនសង្ស័យ និងវត្ថុតាងត្រូវបានសមត្ថកិច្ចកំពុងកសាងសំណុំរឿងបញ្ជូនទៅកាន់សាលាដំបូងខេត្តតាមនីតិវិធី ៕
ចែករំលែកព័តមាននេះ