រាជធានីភ្នំពេញ ៖ ស្ត្រីម្នាក់បានដើរតាមផ្លូវ ដើម្បីរកម៉ូតូកង់បីជិះដោយមានយួរកាបូបមួយផងស្រាប់តែមានជនសង្ស័យ២នាក់ជិះម៉ូតូ១គ្រឿងទៅដល់ធ្វើសកម្មភាពឆក់កាបូបយួរពីគាត់បានសម្រេច រួចហើយក្រុមជនសង្ស័យជិះម៉ូតូរត់គេចខ្លួនបាត់ដោយសុវត្ថិភាព ដែលហេតុការណ៍នោះបានកើតឡើងកាលពីវេលាម៉ោង១១និង២០នាទីព្រឹក ថ្ងៃទី០១ ខែមីនា ឆ្នាំ២០១៩ នៅលើមហាវិថីសហព័ន្ធរុស្សី…
រាជធានីភ្នំពេញ ៖ ស្ត្រីម្នាក់បានដើរតាមផ្លូវ ដើម្បីរកម៉ូតូកង់បីជិះដោយមានយួរកាបូបមួយផងស្រាប់តែមានជនសង្ស័យ២នាក់ជិះម៉ូតូ១គ្រឿងទៅដល់ធ្វើសកម្មភាពឆក់កាបូបយួរពីគាត់បានសម្រេច រួចហើយក្រុមជនសង្ស័យជិះម៉ូតូរត់គេចខ្លួនបាត់ដោយសុវត្ថិភាព ដែលហេតុការណ៍នោះបានកើតឡើងកាលពីវេលាម៉ោង១១និង២០នាទីព្រឹក ថ្ងៃទី០១ ខែមីនា ឆ្នាំ២០១៩ នៅលើមហាវិថីសហព័ន្ធរុស្សី ត្រង់ចំណុចមុខហាងលក់ទ្វារ សុវត្ថិភាពអប្សរា ស្ថិតនៅក្នុងភូមិក្បាលដំរី២ សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ ។
ស្ត្រីរងគ្រោះខាងលើឈ្មោះ ឃី ម៉េងលីន អាយុ៤៤ឆ្នាំ មុខរបរជាមន្ត្រីរាជការ មានស្រុកកំណើតនៅក្នុងភូមិកំពង់សីម៉ា សង្កាត់វត្តគរ ក្រុងបាត់ដំបង ខេត្តបាត់ដំបង សព្វថ្ងៃស្នាក់នៅក្នុងរាជធានីភ្នំពេញ ។ នៅក្នុងកាបូបយួររបស់គាត់ដែលត្រូវចោរឆក់យកទៅបាត់នោះ រួមមាន លុយ២លានរៀល អត្តសញ្ញាណប័ណ្ណ កាតATM ទូរស័ព្ទដៃម៉ាកហ៊ូវៃ និងឯកសារមួយចំនួនទៀតផងដែរ ។ ចំណែកក្រុមជនសង្ស័យដែលជាចោរមានគ្នា២នាក់ ស្លៀកពាក់ស៊ីវិល ជិះម៉ូតូមួយគ្រឿងម៉ាក ឃ្លីក ពណ៌ខ្មៅ មិនចាំស្លាកលេខ ។
តាមប្រភពព័ត៌មានបានឲ្យដឹងថា នៅមុនកើតហេតុស្ត្រីរងគ្រោះបានយួរកាបូបមួយដើរចេញពីស្នាក់ការ ដែលមានទីតាំងស្ថិតក្បែរកន្លែងកើតហេតុនោះដែរ ដើម្បីរកម៉ូតូកង់បីជិះ ។ លុះពេលទៅដល់ចំណុចកើតហេតុខាងលើ ស្រាប់តែជនសង្ស័យទាំង២នាក់ជិះម៉ូតូក្នុងទិសដៅពីលិចទៅកើតទៅដល់ធ្វើសកម្មភាពឆក់យកកាបូបដែលគាត់កំពុងយួរនោះបានសម្រេច ។ បន្ទាប់មកក្រុមជនសង្ស័យបានជិះម៉ូតូបត់ត្រឡប់ក្រោយទៅទិសខាងលិចវិញគេចខ្លួនបាត់ដោយសុវត្ថិភាព ៕
ចែករំលែកព័តមាននេះ