រាជធានីភ្នំពេញ ៖ ម៉ូតូសេ១២៥មួយគ្រឿងត្រូវបានជនសង្ស័យលួចយកទៅបាត់ ដោយសុវត្ថិភាពលួចទាំងកាបូបលុយទៅទៀតអស់រាប់ម៉ឺនដុល្លារ ខ្សែកមាស២ខ្សែរ ទម្ងន់៦តម្លឹង តែគ្រួសារប្រកែកគ្នាមិនច្បាស់ថា បាត់ចំនួនប៉ុន្មានឲ្យពិតប្រាកដ រត់ទៅប្តឹងប៉ូលិស ប៉ុស្តិ៍ចោមចៅ៣…
រាជធានីភ្នំពេញ ៖ ម៉ូតូសេ១២៥មួយគ្រឿងត្រូវបានជនសង្ស័យលួចយកទៅបាត់ ដោយសុវត្ថិភាពលួចទាំងកាបូបលុយទៅទៀតអស់រាប់ម៉ឺនដុល្លារ ខ្សែកមាស២ខ្សែរ ទម្ងន់៦តម្លឹង តែគ្រួសារប្រកែកគ្នាមិនច្បាស់ថា បាត់ចំនួនប៉ុន្មានឲ្យពិតប្រាកដ រត់ទៅប្តឹងប៉ូលិស ប៉ុស្តិ៍ចោមចៅ៣ កាលពីវេលាម៉ោង៨និង៣០នាទីយប់ ថ្ងៃទី០២ ខែមិនា ឆ្នាំ២០១៩ នៅភូមិជម្ពូវ័ន សង្កាត់ចោមចៅ៣ ខណ្ឌពោធិសែនជ័យ ។
ជនរងគ្រោះជាប្តីឈ្មោះ សូ ពៅ អាយុ៣៩ឆ្នាំ មុខរបរជាងជួសជុលម៉ូតូ ចំណែកប្រពន្ធឈ្មោះ លន់ ស៊ីណា មុខរបរមេផ្ទះ ស្នាក់នៅផ្ទះជួលទើបបាន២ខែនៅកន្លែងកើតហេតុ មានស្រុកកំណើតភូមិកំពង់ថ្នល់ ឃុំល្វា ស្រុកព្រះស្តេច ខេត្តព្រៃវែង ។ ចំណែកម៉ូតូដែលចោរលួចយកទៅបាត់ម៉ាកហុងដា សេ១២៥ សេរី២០១៩ ពណ៌ខ្មៅ ពាក់ស្លាកលេខ ព្រៃវែង 1O-3911 ចំណែកលុយដែលថា ចោរលួចទាំងកាបូបនោះដូចជា មិនប្រក្រតី ប្តីថា បាត់អស់២៣៥០០ដុល្លារ លុយខ្មែរជាង៣០ម៉ឺនរៀល ខ្សែកមាស២ខ្សែរទម្ងន់៦តម្លឹង ។
ចំណែកប្រពន្ធថា បាត់តែ១០០០០ម៉ឺនដុល្លារ លុយខ្មែរជាង៣០ម៉ឺនរៀល ខ្សែករមាស២ខ្សែរទម្ងន់៦តម្លឹង ប្រកែកគ្នារឿងបាត់លុយរវាងប្តី-ប្រពន្ធដែលមើលទៅហាក់មិនប្រក្រតី។
តាមការរៀបរាប់ពីបុរសជាប្តីបានឲ្យដឹងថា កាលពីវេលាម៉ោង១១យប់ថ្ងៃទី០១ ខែមិនា ឆ្នាំ២០១៩ គាត់ជិះម៉ូតូវិលមកពីផ្ទះបងប្អូននៅម្តុំវត្តសំរោងអណ្តែត ខណ្ឌសែនសុខវិញអូសម៉ូតូដាក់ចូលក្នុងផ្ទះហើយ ក្រោយងូតទឹកអស់កម្លាំងពេកបទើបខ្លួនដេកលង់លក់បាត់ទាំងភ្លេចបិទទ្វារកណ្តាលអធ្រាត្រដឹងខ្លួន ស្រាប់តែបាត់ម៉ូតូបាត់ទាំងកាបូបលុយ។
ក្រោយពីបាត់ម៉ូតូបាត់កាបូបលុយចូលថ្ងៃទី០២ ខែមីនាដោយចោរលួច មិនបានទៅប្តឹងភ្លាមទេ រវល់តែតាមស្វែងរករហូតដល់វេលាម៉ោង៨និង៣០នាទីយប់ថ្ងៃទី០២ ខែមីនា ទើបនាំគ្នារត់ទៅដាក់ពាក្យបណ្តឹង ដើម្បីឲ្យសមត្ថកិច្ចជួយស្រាវជ្រាវ ៕
ចែករំលែកព័តមាននេះ