ខេត្តកំពង់ចាម ៖ លំនៅឋានរបស់បងប្អូនខ្មែរអ៊ីស្លាមចំនួន១៥ខ្នង ត្រូវបានព្រះអគ្គិភ័យលេបត្របាក់អស់ គ្មានសល់ ដែលហេតុការណ៍នេះកើតឡើងនៅវេលាម៉ោងជាង៣រសៀល ថ្ងៃទី០១ មិនា ២០១៩ ស្ថិតនៅភូមិស្វាយតានន់«ខ»…
ខេត្តកំពង់ចាម ៖ លំនៅឋានរបស់បងប្អូនខ្មែរអ៊ីស្លាមចំនួន១៥ខ្នង ត្រូវបានព្រះអគ្គិភ័យលេបត្របាក់អស់
គ្មានសល់ ដែលហេតុការណ៍នេះកើតឡើងនៅវេលាម៉ោងជាង៣រសៀល ថ្ងៃទី០១ មិនា ២០១៩ ស្ថិតនៅភូមិស្វាយតានន់«ខ» ឃុំព្រែករំដេង ស្រុកស្រីសន្ធរ ។ ក្នុងនោះបានឃើញរថយន្តពន្លត់អគ្គិភ័យចំនួន០៦គ្រឿងបានចេញមកជួយអន្តរាគមន៍បាញ់ទឹកពន្លត់ តែហេតុការណ៍នេះមិនបណ្តាលឲ្យម្ចាស់ផ្ទះណាមួយរងគ្រោះរហូតដល់ទៅបាត់បង់អាយុជីវិតនោះទេ ។
លោកវរសេនីយឯក យ៉ន ឌីន នាយការិយាល័យបង្ការ និងពន្លត់អគ្គិភ័យខេត្តប្រាប់ឲ្យដឹងថា ដំបូងភ្លើងបានឆេះចេញពីផ្ទះឈើឈ្មោះ ស៊ូ ហ៊ីម ភេទប្រុស ដែលបានបិទទ្វារផ្ទះចោល រហូតដល់ភ្លើងបាន
ឆាបឆេះខ្លាំងទើប បង្កឲ្យមានការភ្ញាក់ផ្អើលដល់អ្នកជិតខាង ហើយភ្លើងបានឆេះរាលដាលទៅផ្ទះបន្ត
បន្ទាប់ទៀត ដោយមានអណ្តាតភ្លើងខ្មួលខ្មាញ់ទៅលើអាកាស ។ ដោយដំបូងមានរថយន្តពន្លត់អគ្គិភ័យរបស់អធិការដ្ឋាននគរបាលស្រុកស្រីសន្ធរ ចំនួន២គ្រឿងបានចេញមកអន្តរាគមន៍មុនគេ ។
លោកវរសេនីយឯក យ៉ន ឌីន ប្រាប់បន្តថា ក្នុងពេលដែលមានហេតុការណ៍ខាងលើត្រូវបានលោក
ឧត្តមសេនីយទោ ឯម កុសល ស្នងការនគរបាលខេត្តបានបញ្ជាឲ្យលោកឧត្តមសេនីយត្រីមិន សុគន្ធវិបុល ស្នងការរងនគរបាលខេត្តបានដឹកនាំកម្លាំងដោយមានរថយន្តពន្លត់អគ្គិភ័យរបស់ស្នងការដ្ឋានគគរបាលខេត្ត១គ្រឿង បានឆ្លងតាមកាណូតដរទទឹង ស្រុកកងមាស ដោយត្រូវបានចំណាយពេលវេលារាងយូរបន្តិច ។ ជាមួយនោះមានរថយន្តពន្លត់អគ្គិភ័យរបស់ស្រុកមុខកំពូល និងស្រុកខ្សាច់កណ្តាល ខេត្តកណ្តាលចំនួន២គ្រឿង បានមកចូលរួមជួយអន្តរាគមន៍បាញ់ទឹកផងដែរ ។ លំនៅឋានផ្ទះឈើរបស់បងប្អូនខ្មែរអ៊ីស្លាមត្រូវបានសង់ជាប់ៗគ្នាត្រូវបានភ្លើងឆេះឆ្លងរាលដាលអស់ចំនួន១៥ខ្នង ស្មើ១៥ម្ចាស់ ចំនែករាប់សិបខ្នងទៀតត្រូវបានបាញ់ទឹកទប់ស្កាត់ដោយមិនបានឆេះឆ្លងនោះឡើយ ។
លោកវរសេនីយឯក យ៉ន ឌីន បានបញ្ជាក់ថា ក្នុងប្រតិបត្តិការខាងលើនេះក៏មានរថយន្តដឹកទឹក១គ្រឿ
ងរបស់កងវិស្វកម្មបានជួយយ៉ាងសស្រាក់សស្រាំ រូបលោកបាននៅកន្លែងកើតហេតុដែលមានគ្រោះអគ្គិភ័យរហូតដល់វេលាម៉ោង៧យប់ និងបានឲ្យរថយន្តពន្លត់អគ្គិភ័យរបស់ស្រុកស្រីសន្ធរចំនួន
២គ្រឿងនៅប្រចាំការ ។ គ្រោះអគ្គិភ័យនេះត្រូវបានសមត្ថកិច្ចដាក់ការសង្ស័យមកពីទុស្សេខ្សែភ្លើងចេញ
ពីផ្ទះរបស់បុរសចំណាស់ឈ្មោះ ស៊ូ ហ៊ូម ហើយបានឆេះរាលដាលទៅផ្ទះឈើចំនួន១៤ខ្នងទៀត ។
រូបលោកសូមដាស់តឿនក្រើនរំលឹកដល់ម្ចាស់ផ្ទះទាំងឡាយត្រូវបង្កើនការប្រុងប្រយ័ត្នឲ្យបានខ្ពស់នេះ
ជារដូវប្រាំងមុននឹងចេញទៅណាមកណា សូមមេត្តាពន្លត់ភ្លើងទៀនធូប ឫបិទបារ៉ែត ដើម្បីកុំឲ្យឆ្លងចរន្ត
បង្កទៅជាអគ្គិភ័យកើតទៅជាមហន្តរាយដូចខាងលើ ៕
ចែករំលែកព័តមាននេះ