ខេត្តកំពង់ធំ ៖ រថយន្តម៉ាស់ស្តាប្រលះគូថរថយន្តដឹកស្រូវពីក្រោយរបួសធ្ងន់៤នាក់បានកើតឡើងកាលពីវេលាម៉ោង០៣និង១៤នាទី(ជិតភ្លឺ) ថ្ងៃទី០៣ ខែមីនា ឆ្នាំ២០១៩ លើផ្លូវកំណាត់ផ្លូវជាតិលេខ០៦ ចន្លោះគីឡូម៉ែត្រលេខ១៨៣-១៨៤ ភូមិព្រៃប្រស់ ឃុំត្បែង…
ខេត្តកំពង់ធំ ៖ រថយន្តម៉ាស់ស្តាប្រលះគូថរថយន្តដឹកស្រូវពីក្រោយរបួសធ្ងន់៤នាក់បានកើតឡើងកាលពីវេលាម៉ោង០៣និង១៤នាទី(ជិតភ្លឺ) ថ្ងៃទី០៣ ខែមីនា ឆ្នាំ២០១៩ លើផ្លូវកំណាត់ផ្លូវជាតិលេខ០៦ ចន្លោះគីឡូម៉ែត្រលេខ១៨៣-១៨៤ ភូមិព្រៃប្រស់ ឃុំត្បែង ស្រុកកំពង់ស្វាយ ខេត្តកំពង់ធំ ។
សមត្ថកិច្ចប្រាប់ថា នៅក្នុងករណីគ្រោះថ្នាក់ចរាចរណ៍រថយន្តបុករថយន្តក្នុងទិសដៅស្របគ្នា (ពីលិចទៅកើត) ខាងលើនេះ បណ្តាលអោយមនុស្សរបួសធ្ងន់០៤នាក់ ប្រុសម្នាក់ ខូចខាតរថយន្ត០១គ្រឿង រថយន្តម៉ាកម៉ាស់ស្តា ពណ៌បៃតងចាស់ ពាក់លេខខេមរភូមិន្ទ2.1179 បើកបរដោយឈ្មោះ អោក មករា ភេទប្រុស អាយុ២៤ឆ្នាំ (មុខរបរទាហាននៅកងពលលេខ៣) រស់នៅភូមិកំពង់ធំ សង្កាត់កំពង់ធំ ខេត្តកំពង់ធំ (របួសធ្ងន់) និងអ្នករួមដំណើរជាមួយចំនួន០៣នាក់ ១-ឈ្មោះ គីណូ រិការ ភេទស្រី អាយុ២២ឆ្នាំ (របួសធ្ងន់) ២-ឈ្មោះ អោក ស៊ីវអ៊ិ ភេទស្រី អាយុ១៨ឆ្នាំ (របួសធ្ងន់) ៣-ឈ្មោះ អោក ហុងអឺ អាយុ២២ឆ្នាំ (របួសធ្ងន់) អ្នកទាំងបីនៅភូមិសង្កាត់ ជាមួយអ្នកបើកបររថយន្ត ភាគីម្ខាងទៀតរថយន្តម៉ាកហ៊ិនដាយ ពណ៌បៃតង ពាក់ស្លាកលេខ ភ្នំពេញ 3A- 6831 ។
បើកបរដោយឈ្មោះ អ៊ុន គឹមសៀ ភេទប្រុស អាយុ៤៤ឆ្នាំ (មុខរបរអាជីវករទិញស្រូវ) រស់នៅភូមិសូសែន ឃុំសូសែន ស្រុកព្រៃឈរ ខេត្តកំពង់ចាម ត្រូវបាននាំខ្លួនទៅអធិការដ្ឋាននគរបាលស្រុកកំពង់ស្វាយ ដើម្បីសួរបំភ្លឺ) និងអ្នករួមដំណើរជាមួយឈ្មោះ ស៊ុន ស៊ីណា ភេទស្រី អាយុ៣៧ឆ្នាំ (អាជីវករទិញស្រូវ) (ប្រពន្ធអ្នកបើកបររថយន្ត) ក្រោយកើតហេតុ វត្ថុតាងយកមករក្សាទុកនៅអធិការដ្ឋាននគរបាលស្រុកកំពង់ស្វាយ ។
មូលហេតុជាបឋម បង្កឡើងអ្នកបើកបររថយន្តម៉ាស់ស្តាពាក់ស្លាកលេខខេមរភូមិន្ទ បើកបរក្នុងស្ថានភាពងងុយដេក បានរេចង្កូតទៅបុករថយន្តហ៊ិនដាយ ដែលឈប់លើជាយផ្លូវពីក្រោយ ៕
ចែករំលែកព័តមាននេះ