គម្រោងយក្សពីរតម្លៃជាទឹកប្រាក់ច្រើនពាន់លានដុល្លារនឹងលេចរូបរាងពិតប្រាកដនៅកម្ពុជា នៅក្នុងពេលឆាប់ៗនេះហើយ ។ នោះគឺជាគម្រោងព្រលានយន្តហោះថ្មីនិងគម្រោងសាងសង់ផ្លូវល្បឿនលឿនពីភ្នំពេញ ទៅខេត្តព្រះសីហនុ ។
មន្ត្រីក្រសួងសាធារណការ និងដឹកជញ្ជូនបានឱ្យដឹងនៅថ្ងៃនេះថា រដ្ឋាភិបាលបានសម្រេចរួចហើយនឹងបើកការដ្ឋានសាងសង់ផ្លូវល្បឿនលឿនតម្លៃជាង១០០០លានដុល្លារពីភ្នំពេញ ទៅខេត្តព្រះសីហនុ នៅថ្ងៃទី២២ខែមីនាខាងមុខនេះ ក្រោមអធិបតីភាពរបស់សម្តេចតេជោ ហ៊ុន សែន ។
ផ្លូវមានល្បឿនលឿននេះ នឹងមានសារសំខាន់ខ្លាំងណាស់ សម្រាប់ការដឹកជញ្ជូននិងធ្វើដំណើររវាងភ្នំពេញនិងខេត្តព្រះសីហនុ ។
ចំណែកកាលពីថ្ងៃទី២៨ កុម្ភៈ ក្រសួងរៀបចំដែនដីនគរូបនីយកម្ម និងសំណង់បានរៀបចំកិច្ចប្រជុំមួយ ហើយសម្រេចអំពីទីតាំង សម្រាប់ការសាងសង់ព្រលានយន្តហោះថ្មី ដោយមានទីតាំងនៅខេត្តកណ្តាល និងខេត្តតាកែវដដែល ។ ទន្ទឹមនោះក្រសួង ក៏បានសម្រេចចេញវិធានការណ៍មួយចំនួនទៀតដើម្បី ធ្វើអោយ គម្រោងនេះ ដំណើរការល្អនិងមានប្រសិទ្ធភាពផងដែរ ។
គម្រោងយក្សទាំងពីរនេះ នឹងធ្វើឱ្យប្រទេសកម្ពុជា កាន់តែប្រែប្រួលមុខមាត់និងមានការរីកចម្រើន ៕
ចែករំលែកព័តមាននេះ