រាជធានីភ្នំពេញ ៖ កម្មវិធីបវរកញ្ញាឯកភពផែនដីអន្តរជាតិឆ្នាំ២០១៩ (Miss planet International 2019) បានចាប់ផ្តើមប្រកួតប្រជែងពីថ្ងៃទី២៣ ខែកុម្ភៈ ឆ្នាំ២០១៩ ហើយវគ្គផ្តាច់ព្រ័ត្របានប្រព្រឹត្តទៅនាថ្ងៃទី១ ខែមីនា ឆ្នាំ២០១៩ នាយប់មិញនេះនៅសាលមហោស្រពកោះពេជ្រ ចាប់ពីម៉ោង៨យប់ដោយមានភ្ញៀវជាតិអន្តរជាតិ តារាសម្តែង តារាចម្រៀង មួយចំនួនបានចូលរួមច្រើនកុះករ ។
បវរកញ្ញាឯកប្រមាណជា៣៤ប្រទេស មកពីគ្រប់តំបន់ជុំវិញពិភពលោក កំពុងបំពេញបេសកម្មនាទីក្រុងភ្នំពេញ បេះដូងនៃព្រះរាជាណាចក្រកម្ពុជា ក្នុងដំណើរឆ្ពោះទៅកាន់ការគ្រងមកុដរាជនី សម្រស់លើកដំបូង ក្នុងកម្មវិធីបវរកញ្ញាឯកភពផែនដីអន្តរជាតិ ឆ្នាំ២០១៩ (Miss planet International 2019) ។
តំណាងបវរកញ្ញាទាំងអស់បង្ហាញឈុតមួយចំនួនដូចជា ឈុតប្រពៃណី ឈុតហែលទឹក ឈុតរាត្រីស្រមោល.ស និងឈុតប្រពៃណីខ្មែររបៀបរៀបការ ។ ការប្រកួតនេះ៣៤ប្រទេសបង្ហាញចប់ចម្រាញ់យក១៥ប្រទេស រួចយក៦ប្រទេស សួរសំណួរដើម្បីរើសយកលេខ១គ្រងមកុដ ។
ការប្រកួតជម្រុះយក១៥នាក់ក្នុងនោះជាប់បវរកញ្ញាតំណាងកម្ពុជាម្នាក់ដែរ ប៉ុន្តែចូលដល់ជុំ៦នាក់ចុងក្រោយមិនមានសំណាង ហើយនេះគឺជាឆ្នាំដំបូងដែលយើងបាននាំយកនូវព្រឹត្តិការណ៍ ប្រកួតប្រជែងសម្រស់ថ្នាក់ថ្មីមួយមកកាន់ប្រទេសកម្ពុជា ក្រោមការចូលរួមគាំទ្រយ៉ាងពេញទំហឹងពីសំណាក់ក្រសួងវប្បធម៍ និងវិចិត្រសិល្បៈ ក្រសួងទេចរណ៍ និងក្រសួងបរិស្ថាន ។
កញ្ញា រី ចំណានកល្យាណ គឺជាបេក្ខភាពតំណាងអោយប្រទេសកម្ពជាក្រោយពីកញ្ញាបានជាប់ជ័យលាភីលេខ១ ក្នុងកម្មវិធីបវរកញ្ញាឯកភពផែនដីកម្ពុជាឆ្នាំ២០១៩ (Miss planet International 2019) ។ ជាលាភល្អមួយដែរតំណាងបវរកញ្ញាកម្ពុជាទទួលបានចំណាត់ថ្នាក់លេខ១ល្អដាច់គេក្នុងឈុតសម្លៀកបំពាក់ប្រពៃណីយ៉ាងលេចធ្លោគួរជាទីមោទនភាពក្នុងនាមប្រជាជាតិ ។
ចំណាត់លេខ១បវរកញ្ញាប្រទេស South Africa, លេខ២ថៃ, លេខ៣ម៉ាឡេសុី, លេខ៤ប៉ារ៉ាហ្គាយ, លេខ៥ហ្វីលីពីន និងលេខ៦កញ្ញាមកពីប្រទេសរុស្ស៊ី ៕
ចែករំលែកព័តមាននេះ