ប្រជុំបន្ទាន់រឿង«ជំងឺប៉េស្ត»កើតលើសត្វជ្រូក
- សៀមរាប
ខេត្តសៀមរាប ៖ លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប រួមជាមួយមន្ត្រីបច្ចេកទេសជំនាញក្រោមឱវាទ បាន…
ខេត្តសៀមរាប ៖ លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប រួមជាមួយមន្ត្រីបច្ចេកទេសជំនាញក្រោមឱវាទ បាន…
ខេត្តសៀមរាប ៖ លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប រួមជាមួយមន្ត្រីបច្ចេកទេសជំនាញក្រោមឱវាទ បាន បើកកិច្ចប្រជុំផ្សព្វផ្សាយជាបន្ទាន់សារាចរណែនាំស្តីពីវិធានការបន្ទាន់ ដើម្បីត្រួតពិនិត្យនិងទប់ស្កាត់ការឆ្លងរាលដាលជំងឺប៉េស្តជ្រូកអាហ្វ្រិកជូនដល់មន្ត្រីការិយាល័យកសិកម្ម រុក្ខាប្រមាញ់ និងនេសាទ ស្រុកក្រុង អាជីវករ និងម្ចាស់អាជីវកម្មសត្តឃាតដ្ឋានក្នុងទូទាំងខេត្តសៀមរាប និងមានការចូលរួមរបស់អ្នកសារព័ត៌មានមកពីស្ថាប័នជាច្រើនចូលរួមផងដែរ។
កិច្ចប្រជុំនេះ ធ្វើឡើងនៅក្នុងសាលប្រជុំនៃមន្ទីរកសិកម្ម រុក្ខាប្រមាញ់និងនេសាទខេត្ត កាលពីរសៀលថ្ងៃទី២៨ កុម្ភៈ ។ កិច្ចប្រជុំនេះ លើកឡើងវិធាននៃការសង្គ្រោះសត្វ និតិវិធីនៃការធ្វើពិឃាតសត្វ បទបញ្ជាផ្ទៃក្នុងសម្រាប់សត្វឃាតដ្ឋាន និងបកស្រាយតបទៅនឹងសារព័ត៌មានមួយ បានលើកឡើងកាលពីពេលថ្មីៗនេះ ថាភ្នាក់ងារបសុពេទ្យ បានចុះទៅកាត់យកសំណាកវិភាគទំងន់មួយគីឡូក្រាមក្នុងសត្វមួយក្បាលដែលពិឃាតរួច។លោក ទា គឹមសុទ្ឋ និងម្ចាស់សត្តឃាតដ្ឋាន ថាមិនពិតដូចការលើកឡើងរបស់សារព័ត៌មានមួយ ដែលបានចុះផ្សាយនោះឡើយ។ម្ចាស់សត្តឃាតដ្ឋានក្រុងសៀមរាប អះអាងថា៖មន្ត្រីបសុពេទ្យ ចៀរយកសំណាកវិភាគតែមួយខាំឬមួយខាំកន្លះតែប៉ុណ្ណោះ។
ចំពោះការចុះផ្សាយថាមន្ត្រីចៀរសំណាកវិភាគដល់ទៅ១គ.ក្រក្នុងសត្វមួយក្បាល នោះ គឺមកពីកម្មករកាប់ហើយជ្រុះទៅក្រោមត្រូវបានអាជីវករគាត់ រើសយក ជារឿយៗ ពេលដែលអាជីវករនាំសត្វចូលទៅទីសត្តឃាត គាត់មិនដែលហ៊ានស្តីបន្ទោសឱ្យកម្មករនោះទេ ព្រោះខ្លាចកម្មករមិនពិឃាតសត្វឱ្យ។ទាក់ទិននឹងបញ្ហានេះ លោក ទាគឹមសុទ្ឋ ប្រធានមន្ទីរកសិកម្ម រុក្ខាប្រមាញ់និងនេសាទខេត្ត បានស្នើដល់អ្នកសារព័ត៌មាន សុំចុះផ្សាយតែការពិត ចៀសវាងចុះផ្សាយមិនពិត នាំឱ្យមានការ យល់ច្រឡំ នាំឱ្យមានបញ្ហាវែងឆ្ងាយខាតប្រយោជន៍និងប៉ះពាល់ដល់មុខមាត់ខេត្តដែលជាខេត្តគោលដៅទេសចរណ៍ដ៍មានសក្តានុពលទៀតផង។
លោក ទា គឹមសុទ្ឋ ស្វាគមន៍និងទទួលយកជានិច្ចនូវការរិះគន់ក្នុងន័យស្ថាបនា កែលំអ ពីអ្នកសារព័ត៌មាន នានានិងពីមជ្ឈដ្ឋានទូទៅ ព្រោះថាការអនុវត្តការងារគ្រប់ផ្នែកមិនមែនចេះតែធ្វើទៅបានល្អឥតខ្ចោះនោះទេ វារមែងមានភាពខ្វះចន្លោះជាមិនខាន ដែលកត្តានេះទាមទារការចូលរួម សហការ ពីគ្រប់ភាគី ដើម្បីស្ថាបនាកែលំអ ។ លោក ប្រធានមន្ទីរបានណែនាំដល់ម្ចាស់ សត្តឃាតដ្ឋានទាំងអស់ត្រូវសំអាតអនាម័យទាំងទីតាំងសត្តឃាតនិងសំលៀកបំពាក់ សម្ភារៈ និងត្រូវ លាងសំអាតមេរោគតាមលក្ខណៈបច្ចេកទេសបសុពេទ្យសត្វមុននឹងពិឃាត ហើយសត្វដែលត្រូវពិឃាតត្រូវទុកនៅកន្លែងបង្ខាំក្នុងសត្តឃាត ដ្ឋារបស់ខ្លួនរយៈពេលពី១២ទៅ២៤ម៉ោង ដើម្បីភ្នាក់ងារបសុពេទ្យត្រួតពិនិត្យ សុខភាព និងត្រូវផ្តល់ទឹកឱ្យបានគ្រប់គ្រាន់តែមិនផ្តល់អហារឡើយក្នុងពេលបង្ខាំងនេះ ។ជាមួយគ្នានោះ ហាមធ្វើទារុណកម្ម ដូចជាវាយដំ បញ្ច្រកទឹក ចំណីនិងរូបភាពផ្សេងៗទៀត សត្វត្រូវពិឃាតបានលុះត្រាតែមានការអនុញ្ញាតិពីបសុពេទ្យ។
ខេត្តសៀមរាបមានសត្តឃាតដ្ឋានសរុបចំនួន៨កន្លែងឆ្នាំ២០១៨ ពិឃាតគោក្របីចំនួន៩៥០០ក្បាល ជ្រូក ៥៥៧០០ក្បាល។ដោយឡែកបក្សីមានមាន់ទា ជាដើម ក្នុងមួយថ្ងៃពិឃាត ចំនួន៦០០០ក្បាល សរុបប្រមាណជា៦០០០គ.ក្រ។ គួរបញ្ជាក់ថា សារាចរណ៍ពីវិធានការបន្ទាន់ ដើម្បីត្រួតពិនិត្យនិងទប់ស្កាត់ការឆ្លងរាលដាលជំងឺប៉េស្តជ្រូកអាហ្វ្រិក ចុះថ្ងៃទី២១ខែកុម្ភៈឆ្នាំ២០១៩របស់ក្រសួងកសិកម្ម រុក្ខាប្រមាញ់និង នេសាទ ថា៖បច្ចុប្បន្ននេះ ជំងឺ ប៉េស្តជ្រូកអាហ្វ្រិកកំពុងបន្តឆ្លងរាលដាលនៅបណ្តាប្រទេសមួយចំនួនក្នុងតំបន់និងក្នុងពិភពលោក។
ចែករំលែកព័តមាននេះ