ខេត្តស្វាយរៀង ៖ បុរសម្នាក់បើកបររថយន្តធុនធំប្រភេទវ៉េអងដឹកដែកបំពង់ទីបទំនងងងុយដេកងោកមួយភាំងក៏ជាន់ហ្វ្រាំងរថយន្តគំហុកបណ្តាលឲ្យបាច់ដុំដែកបំពង់ទីបរអឹលមកខាងមុខបុកនិងកាប៊ីនរថយន្តកៀបជាប់អ្នកបើកបរនៅក្នុងកាប៊ីនធ្វើឲ្យរងរបួសធ្ងន់បាក់ជើងខាងស្តាំ ។ ហេតុការណ៍នៃគ្រោះថា្នក់ចរាចរណ៍ខាងលើនេះបានកើតឡើងកាលពីយប់ ថ្ងៃទី២៨ ខែកុម្ភៈ ឆ្នាំ២០១៩ វេលាម៉ោង៩និង៣០នាទីយប់ស្ថិតនៅភូមិទួលអង្គប់ ឃុំសំបួរ ស្រុកស្វាយទាប ។
សមត្ថកិច្ចបានឲ្យដឹងទៀតថា ជនរងគ្រោះមានឈ្មោះ ថ្លាន អាយុ៥២ឆ្នាំ មានទីលំនៅក្នុងស្រុក អង្គស្នួល ខេត្តកណ្តាល បើករថយន្ត Mercedes ប្រភេទវ៉េអង ពណ៌ស ពាក់ផ្លាកលេខ ភ្នំពេញ3E-0292 និងតួរ៉ឺម៉កពាក់ផ្លាកលេខ ភ្នំពេញ 4A 5408 បានរងរបួសធ្ងន់បាក់.កជើងទាំងពីរ ។
ប្រភពដដែលបានឲ្យដឹងទៀតថា នៅមុនពេលកើតហេតុគេឃើញរថយន្តខាងលើបានធ្វើដំណើរក្នុងទិសដៅពីកើតទៅលិចដោយមានដឹកដែកពេញរ៉ឺម៉ករថយន្ត លុះមកដល់ត្រង់ចំណុចខាងលិចក្បាលស្ពានប្រសូតិស្រាប់តែតៃកុងរថយន្តបានជាន់ហ្វ្រាំងទាំងប្រថុចញ៉ុចបណ្តាលឲ្យដែក ដែលនៅលើរ៉ឺម៉ករថយន្តប៉ែកខាងក្រោយបានរអិលរុលមកខាងមុខបុកប៉ះ និងកាប៊ីនក្បាលរថយន្តកៀបអ្នកបើកបរជាប់ក្នុងកាប៊ីនរថយន្តបណ្តាលឲ្យរងរបួសធ្ងន់បាក់ជើងទាំងពីតែម្តង ។
ក្រោយពេលកើតហេតុជនរងគ្រោះត្រូវបានប្រជាពលរដ្ឋ និងសមត្ថកិច្ចនាំគ្នាគាស់កាប៊ីនរថយន្តយកជនរងគ្រោះទៅសង្គ្រោះនៅមន្ទីរពេទ្យខេត្តស្វាយរៀង ។ ដោយឡែករថយន្តត្រូវបានសមត្ថកិច្ចស្ទួចយកទៅរក្សាទុកនៅការិយាល័យនគបាលចរាចរណ៍ស្នងការដ្ឋាននគបាលខេត្តដើម្បីរង់ចាំម្ចាស់មកដោះស្រាយតាមក្រោយ ៕
ចែករំលែកព័តមាននេះ