រាជធានីភ្នំពេញ៖ ដោយសារតែយល់ចិត្តថ្លើមគ្នាទៅវិញទៅមក តារាសម្តែងម៉ៅ គឹមធីតា និងតារាចម្រៀងគូម៉ា បានដាក់ផែនការនៅជាមួយគ្នាពេញមួយជីវិត ។ ពួកគេតាំងចិត្តថា«ទៅថ្ងៃអនាគតបើទោះជាមានរឿងអ្វីក៏ដោយបងការពារអូន អូនការពារបង»។ គូស្នេហ៍នេះនឹងចូលរោងការនៅពេលណាបានសម្រេចផែនការមួយចំនួនរួចរាល់…
រាជធានីភ្នំពេញ៖ ដោយសារតែយល់ចិត្តថ្លើមគ្នាទៅវិញទៅមក តារាសម្តែងម៉ៅ គឹមធីតា និងតារាចម្រៀងគូម៉ា បានដាក់ផែនការនៅជាមួយគ្នាពេញមួយជីវិត ។ ពួកគេតាំងចិត្តថា«ទៅថ្ងៃអនាគតបើទោះជាមានរឿងអ្វីក៏ដោយបងការពារអូន អូនការពារបង»។
គូស្នេហ៍នេះនឹងចូលរោងការនៅពេលណាបានសម្រេចផែនការមួយចំនួនរួចរាល់ ។ តារាសម្តែងកញ្ញាម៉ៅ គឹមធីតា និងតារាចម្រៀងគូម៉ា ជាគូស្នេហ៍នឹងគ្នាអស់រយៈពេលច្រើនឆ្នាំមកហើយ ដោយប្រកាសជាសាធារណៈមិនខ្វល់ពីក្រសែភ្នែកមហាជនទេ ។ តារាស្រីរូបនេះ តែងតែចំណាយពេលវេលាជាច្រើន ជាមួយនឹងគូស្នេហ៍ និងដើរលេងកម្សាន្តជាមួយគ្នា ជាញឹកញាប់ ដើម្បីបង្កើតអនុស្សាវរីយ៍ជាមួយគ្នា បើទោះបីជាពួកគេរវល់នឹងការងារសិល្បៈប៉ុនណាក៏ដោយ ។ ពួកគេចូលចិត្តបង្ហាញរូបថតផ្អែមល្ហែមឲ្យអ្នកគាំឃើញ ។ មិនតែប៉ុណ្ណោះមានមនុស្សជាច្រើននាក់ ចង់ឲ្យពួកគេមានថ្ងៃពិសេសជាមួយគ្នា ក្នុងពេល ឆាប់ៗខាងមុខ ។
តាមរយៈការបង្ហោះរូបភាពផ្អែមល្ហែមជាមួយគ្នាក៏ត្រូវអ្នកគាំទ្រនិយាយសរសើរថាពួកគេសមគ្នាណាស់ ហើយសង្ឃឹមថានឹងមានដំណឹងល្អជាមួយគ្នាក្នុងពេល ឆាប់ៗខាងមុខនេះ ។
កន្លងមកម៉ៅ គឹមធីតា កម្រនឹងបង្ហើបប្រាប់ពីចំណងស្នេហ៍របស់ខ្លួនណាស់ ទើបតែចុងក្រោយនេះប៉ុណ្ណោះដែលម៉ៅ គឹមធីតា ហ៊ានទទួលស្គាល់ការណ៍ពិត ថែមទាំងបង្ហាញពីគោលបំណងអនាគតជាមួយគ្នាទៀតផង ។នាងបានប្រាប់ពីហេតុផលដែលសម្រេចចិត្តជ្រើសរើសលោកគូម៉ា ជាគូអនាគតថា «មូលហេតុដែលខ្ញុំរើសគាត់ (គូម៉ា) ពីព្រោះគាត់បាននាំខ្ញុំទៅជួបក្រុមគ្រួសាររបស់គាត់ ភ្លាមៗ ហើយគ្រួសារគាត់ថែមទាំងបានឱ្យតម្លៃមកលើខ្ញុំ ដោយមិនប្រកាន់អ្វីទាំងអស់ ចំណុចមួយនេះហើយដែលខ្ញុំសុខចិត្តជ្រើសរើសយកគាត់ ។លើសពីនេះលោកជាមនុស្សស្មោះដោយនាងខ្ញុំបានដកបទពិសោធន៍ច្រើនដងកន្លងមកហើយឃើញថាលោកមិនមានអ្វីពាក់ព័ន្ឋជាមួយអ្នកណាសមល្មមឲ្យនាងខ្ញុំកាន់តែជឿជាក់ខ្លាំង»។
តារាស្រីម៉ៅ គឹមធីតា អះអាងទៀតថាយ៉ាងយូរ៣ឆ្នាំទៀតពួកនាងនឹងរៀបការដោយសារតែទុកពេលសន្សំលុយកាក់ឲ្យបានច្រើនសិន។ សន្សមបានលុយសមល្មមទើបចូលរោងមង្គលការព្រោះចង់រស់នៅបានសមរម្យនឹងគេនាពេលខាងមុខ ។
កញ្ញាម៉ៅ គឹមធីតា ទោះបីទើបតែចូលប្រឡូកក្នុងពិភពសិល្បៈសម្តែងក៏ពិតមែន តែទេពកោសល្យរបស់នាងមិនអន់ទេ ហើយទទួលបានការគាំទ្រពីទស្សនិកជាច្រើន ៕
ចែករំលែកព័តមាននេះ