រាជធានីភ្នំពេញ ៖ រថយន្តមួយគ្រឿងប្រភេទកន្ទុយសណ្តោងកុងតឺន័របើកក្នុងល្បឿនលឿន ហើយអ្នកបើកបរងងុយដេកបានបើកឡើងខឿនជ្រុលទៅបុកចូលផ្ទះប្រជាពលរដ្ឋ បណ្តាលអោយរងការខូចខាតទ្វាររបងផ្ទះយ៉ាងដំណំ តែសំណាងល្អមិនគ្រោះថ្នាក់ដល់មនុស្សណាម្នាក់ឡើយ ។ ហេតុការណ៍នេះបានកើតឡើងកាលពីវេលាម៉ោង២រំលងអធ្រាត្រឈានចូលថ្ងៃទី១ ខែមីនា ឆ្នាំ២០១៩…
រាជធានីភ្នំពេញ ៖ រថយន្តមួយគ្រឿងប្រភេទកន្ទុយសណ្តោងកុងតឺន័របើកក្នុងល្បឿនលឿន ហើយអ្នកបើកបរងងុយដេកបានបើកឡើងខឿនជ្រុលទៅបុកចូលផ្ទះប្រជាពលរដ្ឋ បណ្តាលអោយរងការខូចខាតទ្វាររបងផ្ទះយ៉ាងដំណំ តែសំណាងល្អមិនគ្រោះថ្នាក់ដល់មនុស្សណាម្នាក់ឡើយ ។
ហេតុការណ៍នេះបានកើតឡើងកាលពីវេលាម៉ោង២រំលងអធ្រាត្រឈានចូលថ្ងៃទី១ ខែមីនា ឆ្នាំ២០១៩ នៅចំណុចផ្ទះលេខ១២៤ តាមបណ្តោយផ្លូវវេងស្រេង ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុ គេបានឃើញរថយន្តប្រភេទ កន្ទុយសណ្តោងកុងតឺន័រ ពណ៍ខៀវ ពាក់ស្លាកលេខ ភ្នំពេញ ៣A-២៧២១ បើកបរតាមបណ្តោយផ្លូវវេងស្រេង ក្នុងទិសដៅពីកើតទៅលិចក្នុងល្បឿនលឿន លុះមកដល់ចំណុចកើតហេតុ គេសង្ស័យថា អ្នកបើកបរងងុយដេក ហើយងោកមួយភាំងទើបធ្វើអោយរថយន្តរេចង្កូតឡើងលើខឿនហើយបន្តទៅបុកចូលផ្ទះប្រជាពលរដ្ឋថែមទៀត បណ្តាលអោយរងការខូចខាតទ្វាររបងអស់ចំនួន៤ផ្ទាំង ទើបកល់រថយន្តទៅមុខលែងរួច ។
ក្នុងហេតុការណ៍នេះដែរ មិនបណ្តាលអោយមនុស្សណាម្នាក់រងគ្រោះថ្នាក់នោះទេ ចំណែកអ្នកបើកវិញបានរត់គេចខ្លួនបាត់ ។
ក្រោយពេលកើតហេតុ នៅសល់តែរថយន្តបង្កត្រូវបានសមត្ថកិច្ចជំនាញយកទៅរក្សាទុកដើម្បីរង់ចាំធ្វើការដោះស្រាយនៅពេលក្រោយ ៕
ចែករំលែកព័តមាននេះ