រាជធានីភ្នំពេញ ៖ កម្លាំងនគរបាលផ្នែកអន្តរាគមន៍នៃអធិការដ្ឋាននគរបាលខណ្ឌដង្កោបានធ្វើការបង្ក្រាបសម្បុកគ្រឿងញៀនមួយកន្លែង ដោយបានឃាត់ខ្លួនអ្នកជួញដូរ និងប្រើប្រាស់ថ្នាំញៀនបាន២នាក់ ព្រមទាំងដកហូតថ្នាំញៀនបានចំនួន១១កញ្ចប់ និងសម្ភារៈពាក់ព័ន្ធមួយចំនួនទៀតផងដែរ។ ប្រតិបត្តិការខាងលើនេះបានធ្វើឡើងកាលពីវេលាម៉ោង៣នឹង៤៥នាទីរសៀលថ្ងៃទី២៧ ខែកុម្ភៈ ឆ្នាំ២០១៩…
រាជធានីភ្នំពេញ ៖ កម្លាំងនគរបាលផ្នែកអន្តរាគមន៍នៃអធិការដ្ឋាននគរបាលខណ្ឌដង្កោបានធ្វើការបង្ក្រាបសម្បុកគ្រឿងញៀនមួយកន្លែង ដោយបានឃាត់ខ្លួនអ្នកជួញដូរ និងប្រើប្រាស់ថ្នាំញៀនបាន២នាក់ ព្រមទាំងដកហូតថ្នាំញៀនបានចំនួន១១កញ្ចប់ និងសម្ភារៈពាក់ព័ន្ធមួយចំនួនទៀតផងដែរ។
ប្រតិបត្តិការខាងលើនេះបានធ្វើឡើងកាលពីវេលាម៉ោង៣នឹង៤៥នាទីរសៀលថ្ងៃទី២៧ ខែកុម្ភៈ ឆ្នាំ២០១៩ នៅក្នុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។
ជនសង្ស័យទាំង២នាក់ខាងលើនោះ ម្នាក់ឈ្មោះ ហេង វិបុត្រ ភេទប្រុស អាយុ២៣ឆ្នាំ មានទីលំនៅក្នុងភូមិអំពិលព្រៃ ស្រុកកណ្ដាលស្ទឹង ខេត្តកណ្តាល និងម្នាក់ទៀតឈ្មោះ រ៉ែម សុខសាន្ដ ភេទប្រុស អាយុ១៧ឆ្នាំ ស្នាក់នៅក្នុងសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។
នគរបាលបាននិយាយថា នៅមុនពេលឈានដល់ការឃាត់ខ្លួនជនសង្ស័យទាំងពីរនាក់ខាងលើនេះ កម្លាំងនគរបាលផ្នែកអន្តរាគមន៍ខណ្ឌដង្កោ ក្រោមការដឹកនាំនិងបញ្ជាដោយលោកវរសេនីយ៍ឯក ជឹម ស៊ីថា អធិការខណ្ឌដង្កោ បានចុះធ្វើការស្រាវជ្រាវ និងល្បាតទប់ស្កាត់បទល្មើសនៅក្នុងមូលដ្ឋាន ពេលនោះបានប្រទះឃើញជនសង្ស័យទាំងពីរនាក់គួរឲ្យមានការសង្ស័យ ក៏បានធ្វើការឡោមព័ទ្ធចាប់ខ្លួនបាន រួចធ្វើការឆែកឆេររកឃើញថ្នាំញៀន ចំនួន១១កញ្ចប់តូច រួមទាំងសម្ភារៈប្រើប្រាស់មួយចំនួនទៀតផងដែរ។
ប្រភពដដែលបានបន្តថា បន្ទាប់ពីចាប់ខ្លួនរួចមក កម្លាំងនគរបាលខាងលើបាននាំជនសង្ស័យទៅធ្វើការសាកសួរនៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការតាមនីតិវិធីច្បាប់ ៕
ចែករំលែកព័តមាននេះ