ខេត្តកំពង់ស្ពឺ ៖ បុរសជាមេគ្រួសារម្នាក់បានសម្រេចចិត្តធ្វើអត្តឃាតស្លាប់ចោលប្រពន្ធ និងកូនសង្ស័យតូចចិត្តខ្លួនមានជំងឺប្រចាំកាយ ដែលការធ្វើអត្តឃាតនេះ គឺជនរងគ្រោះបានព្យាយាមច្រើនដងមកហើយ តែត្រូវប្រពន្ធកូនឃើញ ហើយជួយសង្គ្រោះទាន់ ទើបតែលើកនេះការព្យាយាមរបស់គាត់បានសម្រេច។ ករណីចង.កធ្វើអត្តឃាតនេះកើតឡើង…
ខេត្តកំពង់ស្ពឺ ៖ បុរសជាមេគ្រួសារម្នាក់បានសម្រេចចិត្តធ្វើអត្តឃាតស្លាប់ចោលប្រពន្ធ និងកូនសង្ស័យតូចចិត្តខ្លួនមានជំងឺប្រចាំកាយ ដែលការធ្វើអត្តឃាតនេះ គឺជនរងគ្រោះបានព្យាយាមច្រើនដងមកហើយ តែត្រូវប្រពន្ធកូនឃើញ ហើយជួយសង្គ្រោះទាន់ ទើបតែលើកនេះការព្យាយាមរបស់គាត់បានសម្រេច។
ករណីចង.កធ្វើអត្តឃាតនេះកើតឡើង កាលពីវេលាម៉ោង២០និង៣២នាទី ថ្ងៃទី២៨ ខែកុម្ភៈ ឆ្នាំ២០១៩ ដែលជនរងគ្រោះឈ្មោះ គ្រីប ចំរើន អាយុ៤៣ឆ្នាំ មានប្រពន្ធឈ្មោះ ឆុំ សម្បត្តិ អាយុ៤១ឆ្នាំ រស់នៅភូមិក្បាលត្រឡាច ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ ។
បើតាមការរៀបរាប់ពីសំណាក់ប្រពន្ធជនរងគ្រោះ គឺប្តីរបស់ខ្លួនមានជំងឺប្រចាំកាយច្រើនឆ្នាំមកហើយ បើទោះជាទៅព្យាបាលនៅណាក៏មិនសះស្បើយសោះ ។ ការព្យាយាមធ្វើអត្តឃាតនេះមិនមែនជាលើកទី១នោះទេ គឺច្រើនដងមកហើយ តែត្រូវកូនចៅឃើញទាន់ ក៏សង្គ្រោះបានទាន់រហូតមក ទើបតែលើកចុងក្រោយនេះ ពេលដែលកូនចៅរវល់រៀងខ្លួនគាត់គ៏ចង.កសម្លាប់ខ្លួនបានសម្រេចតែម្តង ។
ប្រភពពីសមត្ថកិច្ចបានអោយដឹងថា អ្នកដែលប្រទះឃើញសពមុនគេ គឺប្រពន្ធជនរងគ្រោះដោយអះអាងថា ប្ដីរបស់ខ្លួនយកក្រម៉ា ពណ៌ក្រហមលាយស ចង.កសម្លាប់ខ្លួនជាប់នឹងធ្នឹមផ្ទះរបស់ខ្លួន កម្ពស់២.៥០ម៉ែត្រ ។
ប្រភពបន្តថា តាមក្រុមគ្រួសារប្រពន្ធកូន គឺកាលពីម៉ោង១៧និង២០នាទី ជនរងគ្រោះខាងលើបានប៉ុនប៉ងចង.កសម្លាប់ខ្លួនម្តងរួចមកហើយ ប៉ុន្តែបានក្រុមគ្រួរសារឃើញជួយទាន់ពេល ។ ជនរងគ្រោះមានជម្ងឺប្រចាំកាយ សង្ស័យតូចចិត្តខ្លាចខ្លួនឯង ហើយមិនចង់អោយប្រពន្ធកូនពិបាកទើបសម្រេចចិត្តបញ្ចប់ជីវិតខ្លួនដោយវិធីនេះតែម្តង ។ ក្រោយធ្វើកំណត់ហេតុរួចរាល់ករណីនេះក្រុមគ្រួសារជនរងគ្រោះបានទទួលស្គាល់ថា ជនរងគ្រោះ គឺពិតជាស្លាប់ដោយចង.កខ្លួនឯងពិតប្រាកដមែន ៕
ចែករំលែកព័តមាននេះ