ខេត្តបន្ទាយមានជ័យ ៖ ក្មេងប្រុសរងគ្រោះម្នាក់បានរើសដែកគ្រាប់ព្រួញជិតកន្លះម៉ែត្រយកទៅចាក់សត្វពោះ តែមិនដឹងយ៉ាងណាស្រាប់តែមកវិញត្រូវបានព្រួញនោះចាក់រង្វង់ភ្នែក ត្រូវបានវះកាត់ដោយជោគជ័យក្រុមគ្រូពេទ្យគន្ធបុប្ផាខេត្តសៀមរាប។ ក្មេងប្រុសរងគ្រោះមានឈ្មោះ គន់ ទ្រី អាយុ៧ឆ្នាំ ជាកូនទី៣…
ខេត្តបន្ទាយមានជ័យ ៖ ក្មេងប្រុសរងគ្រោះម្នាក់បានរើសដែកគ្រាប់ព្រួញជិតកន្លះម៉ែត្រយកទៅចាក់សត្វពោះ តែមិនដឹងយ៉ាងណាស្រាប់តែមកវិញត្រូវបានព្រួញនោះចាក់រង្វង់ភ្នែក ត្រូវបានវះកាត់ដោយជោគជ័យក្រុមគ្រូពេទ្យគន្ធបុប្ផាខេត្តសៀមរាប។
ក្មេងប្រុសរងគ្រោះមានឈ្មោះ គន់ ទ្រី អាយុ៧ឆ្នាំ ជាកូនទី៣ ដែលឪពុកឈ្មោះ ពួន គន់ អាយុ៤២ឆ្នាំ ម្តាយឈ្មោះ អោល រ៉េត អាយុ៤០ឆ្នាំ ដែលរស់នៅភូមិចំបក់ឃុំតាំកាសាំងស្រុកសន្ទុកខេត្តកំពង់ធំ ។
ឪពុកម្តាយក្មេងប្រុសរងគ្រោះបានអោយដឹង មុនពេលកូនប្រុសគ្រោះថ្នាក់កើតឡើង កូនប្រុសមិនដឹងរើសបានគ្រាប់ព្រួញមកពីណាមិនដឹង ប្រវែងជិតកន្លះម៉ែត្រ ហើយថា ឃើញពស់តាំងពីម្សិលនៅមាត់ក្បែរផ្ទះ ហើយយកគ្រាប់ព្រួញរត់ចុះទៅក្នុងអូរ ស្រាប់តែស្រែកយំឡើងមកវិញឃើញគ្រាប់ព្រួញជាប់រង្វង់ភ្នែកខាងស្តាំ ដែលកើតឡើងនៅអំឡុងម៉ោង៧ព្រឹក ថ្ងៃទី២៨ ខែកុម្ភៈ ឆ្នាំ២០១៩ ហើយភ្លាមៗនោះឪពុកម្តាយយកទៅកាន់មន្ទីរពេទ្យខេត្តកំពង់ធំ បានកាត់គ្រាប់ព្រួញទុកប្រមាណជាង១តឹក ហើយបានបញ្ជូនមកមន្ទីរពេទ្យគន្ធបុប្ផាខេត្តសៀមរាប ។
ឪពុកម្តាយបានបញ្ជាក់ថា ក្រោយពេលសង្គ្រោះមកកាន់មន្ទីរពេទ្យគន្ធបុប្ផាខេត្តសៀមរាបក្រុមគ្រូពេទ្យជំនាញបានយកទៅវះកាត់យកគ្រាប់ចេញផុតពីគ្រោះថ្នាក់នៅអំឡុងម៉ោង១១ថ្ងៃ ទី២៨ ខែកុម្ភៈ ឆ្នាំ២០១៩ បានយកទៅព្យាលបាលបន្ទប់សង្គ្រោះបន្ទាន់ ។
ក្រុមគ្រូពេទ្យគន្ធបុប្ផាខេត្តសៀមរាបបានបញ្ជាក់ថា ក្មេងប្រុសដែលត្រូវគ្រាប់ព្រួញដែកជាប់ និងរង្វង់ភ្នែកស្តាំត្រូវបានគ្រូពេទ្យវះកាត់យកចេញ ដែលគ្រាប់ព្រួញជាប់ជម្រៅត្រឹមងៀងជាប់រង្វង់ភ្នែកផ្នែកខាងក្នុង បានវះកាត់យកចេញហើយ មិនបណ្តាលប៉ះពាល់គ្រាប់ភ្នែកឡើយហើយគ្រូពេទ្យបានណែនាំដល់ឪពុកម្តាយមិនត្រូវអោយកូនលេងដែកស្រួច រីកាំបិតស្រួយបណ្តាលដួលមុតគ្រោះបានគ្រប់ពេល ៕
ចែករំលែកព័តមាននេះ