តួនាទីរបស់ស្វាមីត្រូវមានសេចក្តីសន្តោស៥យ៉ាងចំពោះភរិយាគឺ ១-រាប់អានលើកមុខថាជាភរិយាពេញសិទ្ធិ ២-មិនប្រមាថមាក់ងាយភរិយា ៣-មិនប្រព្រឹត្តកន្លងចិត្តមិនក្បត់ចិត្តភរិយា ៤-ប្រគល់ភាវៈជាធំក្នុងផ្ទះដល់ភរិយាឱ្យពេញសិទ្ធិ និង៥-ឱ្យគ្រឿងតុបតែងខ្លួនតាមតម្រូវការ នេះជាកិច្ចត្រូវបំពេញជាស្វាមីល្អ ។ តែបើបុរសណាលះបង់តួនាទីរបស់ខ្លួន បែរជាប្រើអំពើហិង្សា…
តួនាទីរបស់ស្វាមីត្រូវមានសេចក្តីសន្តោស៥យ៉ាងចំពោះភរិយាគឺ ១-រាប់អានលើកមុខថាជាភរិយាពេញសិទ្ធិ ២-មិនប្រមាថមាក់ងាយភរិយា ៣-មិនប្រព្រឹត្តកន្លងចិត្តមិនក្បត់ចិត្តភរិយា ៤-ប្រគល់ភាវៈជាធំក្នុងផ្ទះដល់ភរិយាឱ្យពេញសិទ្ធិ និង៥-ឱ្យគ្រឿងតុបតែងខ្លួនតាមតម្រូវការ នេះជាកិច្ចត្រូវបំពេញជាស្វាមីល្អ ។
តែបើបុរសណាលះបង់តួនាទីរបស់ខ្លួន បែរជាប្រើអំពើហិង្សា វាយតប់ មាក់ងាយ ជេរប្រមាថ ស្រវឹងស្រាអួទីនួរាល់ថ្ងៃ រំលោភលើរូបរាងកាយប្រពន្ធដោយគ្មានចិត្តមេត្តា បុរសនោះនឹងបាននាមថាជាប្តីគម្រក់ ប្តីមិនប្រកបដោយធម៌ វាជារឿងអាក្រក់បំផុតចំពោះបុរសជាមេគ្រួសារ ។
ករណីវិវាទក្នុងគ្រួសារនេះបើមិនទាន់ខ្លាំងក្លាទេ នៅអាចរកផ្លូវដោះស្រាយបាន ពួកញាតិក្តី អាជ្ញាធរក្តីអាចជួយនិយាយ ជួយណែនាំដោយផ្អែកលើគោលធម៌ខន្តី និងអប់រំទូន្មានចិត្តដោយបញ្ញា ព្រមដោយការឲ្យអភ័យមកទុកក្នុងជីវិត ។
តែបើបញ្ហាខ្លាំងក្លារហូតដល់ថ្នាក់មិនអាចដោះស្រាយបាន ព្រះពុទ្ធសាសនាក៏ឲ្យសិទ្ធិសេរីភាពក្នុងការរស់នៅ មិនមែនទ្រាំនៅឲ្យប្តីវាយស្លាប់ ហើយចាំទៅកើតឋានសួគ៌ដោយការអត់ធន់នោះឡើយ ។
ព្រះពុទ្ធសាសនា មានគោលធម៌សម្រាប់ធ្វើឲ្យមនុស្សល្អគឺធម៌ខន្តីពិតមែនហើយ ប៉ុន្តែជីវិតដែលរស់នៅបានប្រសើរថ្លៃថ្លា គឺការរស់នៅប្រកបដោយបញ្ញាជាធំ ។
ចែករំលែកព័តមាននេះ