ខេត្តត្បូងឃ្មុំ ៖ ជាមួយនឹងការកត់សម្តាល់ថា មនុស្សជាច្រើនសម្រុកមករកចាក់វ៉ាក់សាំងជំងឺឆ្កែឆ្កួតនៅវិទ្យាស្ថានប៉ាស្ទ័រ សម្តេចតេជោហ៊ុន សែន បានអំពាវនាវដល់ប្រជាជនកម្ពុជាថា កុំឱ្យមានការភ័យស្លន់ស្លោពេក ។ សម្តេចមានប្រសាសន៍បែបនេះ នៅពេលដែលសម្តេចបានចូលរួមជាអធិបតីភាពដ៏ខ្ពង់ខ្ពស់ក្នុងពិធីសម្ភោធបើកការដ្ឋានសាងសង់មន្ទីរពេទ្យ «មិត្តភាពកម្ពុជា-ចិន ត្បូងឃ្មុំ»នៅខេត្តត្បូងឃ្មុំ នាព្រឹកថ្ងៃទី០១ មីនា នេះ។
ប៉ុន្តែទន្ទឹមពេលជាមួយគ្នានោះ សម្តេចក៏បានជំរុញឱ្យមានការយកចិត្តទុកដាក់ផងដែរ ដល់ការពិនិត្យនិងការចាក់វ៉ាក់សាំង ដល់ប្រជាជនដែលត្រូវឆ្កែ ឬឆ្មាខាំ ។
ការភ័យខ្លាចរបស់ប្រជាជនកម្ពុជាជាច្រើន បានកើតមានបន្ទាប់ពីមានសេចក្តីរាយការណ៍ព័ត៌មានដែលថាមានកុមារីម្នាក់នៅខេត្តកំពង់ចាមបានស្លាប់បាត់បង់ជីវិត ដោយសារតែជំងឺឆ្កែឆ្កួតនេះ ។
ចែករំលែកព័តមាននេះ