ពិធីប្រកាសចូលកាន់មុខតំណែងអភិបាលរងនៃគណៈអភិបាលខេត្តប៉ៃលិន
- ប៉ៃលិន
ខេត្តប៉ៃលិន ៖ កាលពីថ្ងៃទី២៧ ខែកុម្ភៈ ឆ្នាំ២០១៩ លោក លេង វី រដ្ឋលេខធិការក្រសួងមហាផ្ទៃ បានអញ្ជើញជាអធិបតីក្នុងពិធីប្រកាសផ្ទេរភារកិច្ច…
ខេត្តប៉ៃលិន ៖ កាលពីថ្ងៃទី២៧ ខែកុម្ភៈ ឆ្នាំ២០១៩ លោក លេង វី រដ្ឋលេខធិការក្រសួងមហាផ្ទៃ បានអញ្ជើញជាអធិបតីក្នុងពិធីប្រកាសផ្ទេរភារកិច្ច…
ខេត្តប៉ៃលិន ៖ កាលពីថ្ងៃទី២៧ ខែកុម្ភៈ ឆ្នាំ២០១៩ លោក លេង វី រដ្ឋលេខធិការក្រសួងមហាផ្ទៃ បានអញ្ជើញជាអធិបតីក្នុងពិធីប្រកាសផ្ទេរភារកិច្ច និងតែងតាំងមុខតំណែង អភិបាលរងខេត្តថ្មី ក្រោយពីលោកទំទាវ សោ មុន្នីរ័ត្ន អភិបាលរងខេត្ត បានទទួលមរណភាព ដោយសារករណីគ្រោះថ្នាក់ចរាចរណ៍កាលពីពេលថ្មីៗកន្លងទៅនៅលើដងផ្លូវជាតិលេខ៥ ។
តាមអនុក្រឹត្យដែលអានដោយ លោក អ៊ួង ចន្ធី ប្រធាននាយកដ្ឋានបុកគ្គលិក នៃអគ្គនាយកដ្ឋានរដ្ឋបាលក្រសួងមហាផ្ទៃ បានឱ្យដឹងថា តាមអនុក្រឹត្យលេខ១៤៥ អនក្រ.តត ត្រូវបានតែងតាំងលោក ឃ្លោក នួយ អតីតសមាជិកក្រុមប្រឹក្សាខេត្ត ឋានន្តរស័ក្តិវរមន្ត្រី ថ្នាក់លេខ២ ទៅជាអភិបាលរងខេត្តប៉ៃលិន ជំនួសលោកជំទាវ សោ មុន្នីរ័ត្ន ដែលបានទទួលមរណៈភាពកាលពីពេលថ្មីៗ ។
បន្ទាប់ពីទទួលបានអនុក្រឹត្យតែងតាំងមុខតំណែងថ្មីពីលោក លេង វី រដ្ឋលេខាធិការក្រសួងមហាផ្ទៃរួចមក លោក ឃ្លោក នួយ បានធ្វើការប្តេជ្ញាអនុវត្តយ៉ាងម៉ឺងម៉ាត់នូវរដ្ឋធម្មនុញ្ញ គោលការណ៍ច្បាប់ លិខិតបទដ្ឋានគតិយុត្តិ ជាធរមាន និងគោលការណ៍ណែនាំនានារបស់រាជរដ្ឋាភិបាល ដែលបានដាក់ចុះឲ្យមានប្រសិទ្ធភាពខ្ពស់ ជាពិសេសប្ដេជ្ញាគោរពគាំទ្រ អនុវត្តឲ្យបានខ្ជាប់ខ្ជួននូវកម្មវិធីគោលនយោបាយរបស់រាជរដ្ឋាភិបាល ក្រោមការដឹកនាំប្រកបដោយកិត្តិបណ្ឌិតរបស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
លោក ផាន់ ចាន់ធុល អភិបាលខេត្តប៉ៃលិន បានមានប្រសាសន៍លើកឡើងថា ការផ្លាស់ប្ដូរ ឬតែងតាំងសម្រួលភារកិច្ច គឺជាធម្មតាសម្រាប់ក្របខណ្ឌមន្ត្រីរាជការ របស់រាជរដ្ឋាភិបាល ទៅតាមគុណបំណាច់ និងស្នាដៃក្នុងការបម្រើជាតិ ប្រជាជននាពេលកន្លងមក ។
ដូច្នេះលោកសង្ឃឹមថាក្រោយពីតែងតាំងអភិបាលរងខេត្ត២រូប និងនាយករដ្ឋបាលសាលាខេត្ត១រូប នឹងមានរចនាសម្ព័ន្ធថ្នាក់ដឹកនាំគ្រប់គ្រាន់ ដែលអាចមានលទ្ធភាពបំពេញការងារបំរើពលរដ្ឋកាន់តែល្អប្រសើរ និងទាន់ពេលវេលា តាមសេចក្តីត្រូវការរបស់ពួកគាត់ ស្របតាមគោលនយោបាយរបស់រាជរដ្ឋាភិបាលកម្ពុជា ជាពិសេសត្រូវមានទំនួលខុសត្រូវខ្ពស់ក្នុងការបំពេញភារៈកិច្ចថ្មី និងសាមគ្គីជាមួយគណៈអភិបាលខេត្ត ទីចាត់ការអង្គភាពនានាសំដៅបំពេញកិច្ចបម្រើជាតិ និងប្រជាជនអោយទទួលបានជោគជ័យថ្មី និងការអភិវឌ្ឍន៍លើគ្រប់វិស័យក្នុងខេត្តជាបន្តបន្ទាប់។
លោក លេង វី រដ្ឋលេខាធិការក្រសួងមហាផ្ទៃ បានជម្រុញដល់អភិបាលរងខេត្ត ដែលទើបទទួលបានមុខតំណែងថ្មី ត្រូវខិតខំពង្រឹងការងារដល់មន្ត្រីរាជការនៅក្នុងខេត្តទាំងអស់ ឱ្យបំពេញការងារដែលខ្លួនទទួលខុសត្រូវប្រកបដោយវិន័យ ក្រមសីលធម៌វិជ្ជាជីវៈឱ្យស័ក្តិសមជាមន្ត្រីបម្រើរាស្ត្រពិតប្រាកដ ជាពិសេសត្រូវចេះគ្រប់គ្រង ដឹកនាំលើកទឹកចិត្តមន្ត្រី ដែលមានសមត្ថភាព និងធ្វើការងារបានល្អ ព្រមទាំងដាក់វិន័យទៅតាមច្បាប់មន្ត្រីរាជការចំពោះមន្ត្រីអសកម្ម ។
ទន្ទឹមនឹងនេះត្រូវខិតខំទប់ស្កាត់ អ្វីដែលធ្វើឲ្យប៉ះពាល់ និងបង្កការថ្នាំងថ្នាក់ដល់ប្រជាពលរដ្ឋ ត្រូវជំរុញការផ្ដល់សេវាសាធារណៈ សេវាសង្គម ឲ្យកាន់តែល្អ នៅជិតនិងប្រជាពលរដ្ឋ ដើម្បីចូលរួមចំណែកលើកកម្ពស់វភាពប្រជាពលរដ្ឋ ស្របតាមគោលនយោបាយរបស់រាជរដ្ឋាភិបាលកម្ពុជា ៕
ចែករំលែកព័តមាននេះ