រាជធានីភ្នំពេញ ៖ ប៉ុន្មានថ្ងៃកន្លង ទៅនេះ មានការងឿងឆ្ងល់មិនតិចទេក្នុងចំណោមអ្នកនិយមគាំទ្រកីឡាប្រដាល់គុនខ្មែរនៅពេលដឹងថា អ្នកប្រដាល់ជើងខ្លាំងវ័យក្មេង ឈុត សេរីវ៉ាន់ថង បានបដិសេធ
ចូលរួមក្នុងក្រុមជម្រើសជាតិដែលត្រូវបានសហព័ន្ធកីឡាប្រដាល់គុនខ្មែរជ្រើសរើសនោះ ប៉ុន្តែឥឡូវនេះយើងដឹងការពិតហើយជុំវិញការ បដិសេធនេះ។
យោងតាមទំព័រ Facebook របស់លោក ឈុត សេរី ដែលត្រូវជាឪពុករបស់កីឡាករ ឈុត សេរីវ៉ាន់ថង បានសរសេរបង្ហោះដែលអ្នក យកព័ត៌មានយើងគ្រាន់តែកែសម្រួលអក្ខរាវិរុទ្ធ មួយចំនួនមិនឱ្យប្រាសចាកខ្លឹមសារដើមថា៖ «ខ្ញុំបាទឈុត សារី ជាឪពុកនិងជាគ្រូរបស់ឈុត សេរីវ៉ាន់ថង ខ្ញុំបាទសូមអគុណដល់សហព័ន្ធកីឡាប្រដាល់កម្ពុជាដែលបានជ្រើសយកកូនខ្ញុំឱ្យចូលជម្រើសជាតិ ។ ជាកិត្តិយសរបស់ខ្ញុំណាស់ដែលបានផ្ដល់ឱកាសឲ្យកូនខ្ញុំ តែគួរឱ្យសោកស្ដាយណាស់ដែលកូនខ្ញុំមិនបានចូលជម្រើសជាតិវិញដោយសារវ៉ាន់ថងមានភារកិច្ចដូចខាងក្រោមមិនអាចទៅបាន។
1.ជាប់ប្រឡងបាក់ឌុបឆ្នាំនេះផង
2.ក្លិបដំណើរការរាល់ថ្ងៃបានវ៉ាន់ថងជាជំហរជួយពង្រឹងសិស្សប្អូននៅក្នុងក្លិប
3.វ៉ាន់ថងនៅក្មេងមិនធ្លាប់បែកពីឪពុកម្ដាយ ដូច្នេះហើយបានជាវ៉ាន់ថងមិនអាចចូលជម្រើសជាតិបាន»៕
ចែករំលែកព័តមាននេះ