រាជធានីភ្នំពេញ ៖ រថយន្តមួយគ្រឿងម៉ាក RANGER បានបើកបោះពួយបុករថយន្តមួយគ្រឿងម៉ាកហាយឡែនឌ័រ ហើយរថយន្តម៉ាក RANGER ជ្រុលឡើងចិញ្ចើមផ្លូវបុកចូលផ្ទះវិឡាឧកញ៉ាម្នាក់ បណ្តាលអោយបាក់អស់បង្គោលរបងអស់មួយដើម និងប៉ើងបាក់របងដែក ហើយរថយន្តម៉ាក RANGER ទៅមុខលែងរួច ។
គ្រោះថ្នាក់ចរាចរណ៍នេះបានកើតឡើងកាលពីវេលាម៉ោងប្រមាណ៨និង១០នាទីព្រឹកថ្ងៃទី២៨ ខែកុម្ភៈ ឆ្នាំ ២០១៩ នៅចំណុចវិឡាលេខ១៨អា ផ្លូវលេខ៣៤៨A ក្នុងបុរីមួយកន្លែង នៅតាមផ្លូវលេខ៥៩៨ ក្នុងសង្កាត់ច្រាំងចំរេះទី១ ខណ្ឌឬស្សីកែវ ។
រថយន្តដែលបើកបុកចូលផ្ទះវិឡានោះម៉ាក RANGER ពណ៌ស ពាក់ស្លាកលេខ ភ្នំពេញ២BC-០៩១៩ បើកបរដោយឈ្មោះវ៉ាន់ សុភ័ក្រ ភេទប្រុស អាយុ៤៣ឆ្នាំ មានលំនៅក្បែរកន្លែងកើតហេតុ ។ ចំណែករថយន្តមួយគ្រឿងទៀតម៉ាកហាយឡែនឌ័រ ពណ៌ទឹកមាស ពាក់ស្លាកលេខ ភ្នំពេញ ២AW-៦២៣១បើកបរដោយជនជាតិចិនឈ្មោះ យិន ហ្វូជិញ ភេទប្រុស អាយុ៣៧ឆ្នាំ មានលំនៅក្នុងបុរីខាងលើ ។
តាមសាក្សីនៅកន្លែងកើតហេតុបានអោយដឹងថា មុនពេលកើតហេតុ គេឃើញរថយន្តម៉ាក RANGER បានធ្វើដំណើរតាមផ្លូវបេតុងក្នុងទិសដៅពីលិចទៅកើត លុះមកដល់ចំណុចកើតហេតុ ក៍បានបុកចំក្បាលរថយន្តមួយគ្រឿងម៉ាកហាយឡែនឌ័រដែលបើកចេញមកពីទិសខាងត្បូង បណ្តាលអោយរថយន្តម៉ាកហាយឡែនឌ័រខ្ទាតចេញនិងរងការខូចខាតផ្នែកខាងមុខ ។
ប្រភពដដែលបានបន្តថា បន្ទាប់ពីបុកក្បាលរថយន្តម៉ាកហាយឡែនឌ័ររួចហើយ រថយន្តម៉ាក RAN GER ក៏ជ្រុលចង្កូតទៅស្តាំដៃឡើងសួនច្បារ និងបុករបងវិឡាលោកឧកញ៉ាម្នាក់ បណ្តាលអោយបាក់បង្គោល
របងអស់មួយដើម និងប៉ើងបាក់របងដែករងការខូចខាតធ្ងន់ធ្ងរ ។
ប្រភពដដែលបានបន្តទៀតថា ភ្លាមៗនោះនគរបាលមូលដ្ឋានក៍បានចុះទៅដល់កន្លែងកើតហេតុនិងបានធ្វើការសម្របសម្រួលគ្នាសងការខូចខាតផងដែរ៕
ចែករំលែកព័តមាននេះ