ខេត្តក្រចេះ ៖ ក្មេងប្រុសអាយុ៣ឆ្នាំម្នាក់ត្រូវបានស្លាប់ ក្នុងហេតុការណ៍ភ្លើងឆេះម៉ូតូ ខណៈឪពុកឈប់ចាក់សាំង តែមិនពន្លត់ម៉ាស៊ីន ក៏ត្រូវឆាបឆេះរោលពេញរាងកាយស្លាប់យ៉ាងអាណោចអាធ័មបំផុត ពេលបញ្ជូនទៅសង្គ្រោះ ព្រោះតែស្ថានភាពរបួសធ្ងន់ធ្ងរពេក ។ ហើយម៉ូតូដែលឆេះនោះ ជាប្រភេទម៉ូតូកែច្នៃទៀតៀងសម្រាប់យកទៅដឹកឈើ ដែលឧប្បទ្ទវហេតុបានកើតឡើង កាលពីថ្ងៃទី២៧ កុម្ភះ ស្ថិតនៅមុខផ្ទះលក់ប្រេងសាំងមួយកន្លែងក្នុងឃុំគ្រញូងសែនជ័យ ស្រុកស្នួល ។
សេចក្តីរាយការណ៍ឱ្យដឹងថា បុរសជាឪពុកមានឈ្មោះខុញ ចន្ថា អាយុ៤៣ឆ្នាំ បានរងរបួសធ្ងន់ដែរ (ភ្លើងឆាបត្រូវដែរ) ។ នគរបាលបានប្រាប់ឱ្យដឹងទៀតថា នៅថ្ងៃកើតហេតុនោះ ឪពុកបានជិះម៉ូតូ១គ្រឿងនេះ
មានឌុបប្រពន្ធនិងម្តាយព្រមទាំងកូនតូចៗ២នាក់ សរុបមានគ្នា៥នាក់ ។ ជនរងគ្រោះជិះម៉ូតូនេះ មកចាក់សាំងនៅផ្ទះលក់សាំងមួយកន្លែងនៅក្នុងភូមិខាងលើ ។
នៅពេលឈប់ម៉ូតូចាក់សាំងនោះ ឪពុកមិនបានពន្លត់ម៉ាស៊ីនម៉ូតូនោះទេ ទិញសាំង១លីត្រដោយខ្លួនឯងទៀត ។ ភ្លាមៗនោះ ម៉ូតូកែច្នៃក៏បានឆ្លងភ្លើងកើតជាការឆាបឆេះសន្ឋោរសន្ឋៅ បណ្តាលរាលដាលឆេះលើក្មេងប្រុសរងគ្រោះដែលកំពុងអង្គុយលើម៉ូតូខាងមុខ ហើយអ្នកផ្សេងទៀតលោតពីលើម៉ូតូរត់ចេញទាន់។នគរបាលនិយាយថា ក្មេងប្រុសរងគ្រោះ ត្រូវបានចាត់បញ្ជូនមកសង្គ្រោះនៅមន្ទីរពេទ្យ តែមិនអាចជួួយបានដដែល ។
ចែករំលែកព័តមាននេះ