រាជធានីភ្នំពេញ ៖ រហូតមកទល់ពេលនេះ ករណីគម្រោងប្តឹងបទនាយចឺម ដែលបានកាឡៃបទភ្លេងដើមរបស់កវីគង្គ ប៊ុនឈឿន នោះ នៅមិនទាន់ចេញជារូបរាងនៅឡើយទេ ដោយត្រូវរង់ចាំការសម្រេចពីភរិយារបស់កវីស្ទឹងសង្កែរូបនេះមកដល់ស្រុកខ្មែរវិញ ។ ក្រោយផ្ទុះការរិះគន់ និងប្រតិកម្មយ៉ាងខ្លាំង ពីក្រុមគ្រួសារលោក គង្គ ប៊ុនឈឿន ពាក់ព័ន្ធបញ្ហាខាងលើនេះ ភាគីផលិតសាន់ដេបានព្យាយាមមកសម្របសម្រួល ដោយសុំកែប្រែដាក់បទភ្លេង ជាមរតកដើមវិញ ។
ផលិតសាន់ដេ ហាក់មិនបានឆ្លើយជាវិជ្ជមានចំពោះការចង់បានពីក្រុមគ្រួសារលោក គង្គ ប៊ុមឈឿន ដែលចង់ឱ្យលុបចេញនូវបទនេះចោលទាំងស្រុង ខណៈពេលសាន់ដេ សុំត្រឹមកែពីឈ្មោះអ្នកនិពន្ធថ្មី មកជាមរតកដើមប៉ុណ្ណោះ។ យ៉ាងណា ក្រុមគ្រួសាររបស់លោក គង្គ ប៊ុនឈឿន ហាក់មិនទាន់ឆ្លើយតបណាមួយចំពោះបញ្ហានេះឡើយ ដោយត្រូវរង់ចាំភរិយាលោកគង្គ ប៊ុនឈឿន មកពីបរទេសវិញ ។
ក្នុងនាមជាកូនប្រសារ លោក គង្គ ប៊ុន ឈឿន លោកមុត ថារី បានអះអាងដោយខ្លីថា បេីទោះជាខាងក្រុមហ៊ុនសាន់ដេរ សុំសម្របសម្រួលដោយចង់កែ ឬសម្រួលតន្ត្រីវិញយ៉ាងណានោះ លោកគ្មានសិទ្ធ និយាយថា យ៉ាងណានោះទេ ព្រោះកិច្ចការទាំងអស់នេះ ម្តាយក្មេកដែលជាភរិយាលោកគង្គ ប៊ុនឈឿន
ជាអ្នកមានសិទ្ធិសម្រេចថា ត្រូវប្តឹងឬយ៉ាងណា រង់ចាំគាត់អញ្ចេីញមកដល់ស្រុកខ្មែរក្នុងពេលឆាប់ៗខាងមុខនេះ ។
ដោយឡែក ពាក់ព័ន្ធបញ្ហាខាងលើនេះដែរ ប្រធានក្រុមប្រឹក្សាភិបាលរបស់សមាគមសិល្បករខ្មែរ លោក ហេង ឡុង បានសសេរបង្ហោះតាមគណនីហ្វេសប៊ុករបស់លោក កាលពីម្សិលមិញថា ករណីផលិតកម្មសាន់ដ ដែលបានយកស្នាដៃរបស់លោកពូ គង្គ ប៊ុនឈឿន មកកែមេឡូឌី និងទំនុកច្រៀង លោកសូមអំពាវនាវដល់ថ្នាក់ដឹកនាំរបស់ក្រុមហ៊ុន មេត្តាលុបបទដែលច្រៀងដោយ នាយ ចឹម ដែលមានចំណងជើងថា «អូនជាអ្នកមាន សមនឹងអ្នកមានដូចគ្នា» ចេញពីបណ្តាញសង្គមក៏ដូចជាប្រព័ន្ធ youtube ដើម្បីចៀសងវាងការប៉ះពាល់ដល់ទឹកចិត្តក្រុមគ្រួសាររបស់លោកពូ គង្គ ប៊ុនឈឿន ។
ក្នុងនាមជាកូនប្រសារលោក គង្គ ប៊ុន ឈឿន លោក មុត ថារី បានអះអាងដោយខ្លីថា បេីទោះជាខាងក្រុមហ៊ុន សាន់ដេរ សុំសម្របសម្រួលដោយចង់កែឬសម្រួលតន្ត្រីវិញយ៉ាងណានោះលោកគ្មានសិទ្ធ និយាយថាយ៉ាងណានោះទេ ព្រោះកិច្ចការទាំងអស់នេះម្តាយក្មេកដែលជាភរិយាលោកគង្គ ប៊ុនឈឿន ជាអ្នកមានសិទ្ធសម្រេច ថាត្រូវប្តឹងឬយ៉ាងណា រង់ចាំគាត់អញ្ចេីញមកដល់ស្រុកខ្មែរក្នុងពេលឆាប់ៗខាងមុខនេះ។
ចំពោះការលុបចេញនោះ ខ្ញុំជាអ្នកចម្រៀងគ្មានសិទ្ធិទេ តែខ្ញុំយល់ថា ប្រហែលជាមិនអាចទេ ព្រោះសាន់ដេ បានកែថា លំនាំបទភ្លេងមរតកដើមហើយ ។ គួររំលឹកថា ៖ ន៎ុះ! គ្រួសារកវី គង្គ ប៊ុនឈឿន គ្រោងប្តឹងបទចម្រៀងនាយ ចឺម ហើយ (មានវីដេអូ)
ចែករំលែកព័តមាននេះ