ខេត្តព្រះសីហនុ៖ បន្ទាប់ពីបែកធ្លាយចេញពីប្រជាពលរដ្ឋជាច្រើននាក់ក្នុងលក្ខខណ្ឌសុំមិនបញ្ចេញឈ្មោះដែលមានលំនៅដ្ឋានក្បែរសិប្បកម្មផលិតទឹកបរិសុទ្ធចំនួន០២ទីតាំងស្ថិតនៅក្នុងក្រុម៣៥មណ្ឌល០៣ សង្កាត់លេខ០១ ក្រុងខេត្តព្រះសីហនុដែលមានម្ចាស់ឈ្មោះ ជាង សម្ភស្ស និងឈ្មោះ ហ៊យ ហៀង ថាសិប្បកម្មទាំង០២ខាងលើផលិតទឹកបរិសុទ្ធច្រកដប…
ខេត្តព្រះសីហនុ៖ បន្ទាប់ពីបែកធ្លាយចេញពីប្រជាពលរដ្ឋជាច្រើននាក់ក្នុងលក្ខខណ្ឌសុំមិនបញ្ចេញឈ្មោះដែលមានលំនៅដ្ឋានក្បែរសិប្បកម្មផលិតទឹកបរិសុទ្ធចំនួន០២ទីតាំងស្ថិតនៅក្នុងក្រុម៣៥មណ្ឌល០៣ សង្កាត់លេខ០១ ក្រុងខេត្តព្រះសីហនុដែលមានម្ចាស់ឈ្មោះ ជាង សម្ភស្ស និងឈ្មោះ ហ៊យ ហៀង ថាសិប្បកម្មទាំង០២ខាងលើផលិតទឹកបរិសុទ្ធច្រកដប និងច្រកពីដុងចំណុះ២០លីត្រមិនមានអនាម័យឲ្យបានត្រឹមត្រូវទៅតាមបច្ចេកទេសរបស់មន្ទីរជុំនាញពាក់ព័ន្ធជាពិសេសគឺច្បាប់អនុញ្ញាតិបើកសិប្បកម្មផលិតទឹកបរិសុទ្ធ ។
ទើបនៅព្រឹកថ្ងៃទី២៧ ខែកុម្ភៈ ឆ្នាំ២០១៩ លោក សាំង សុះ ប្រធានការិយាល័យឧស្សាហកម្ម និងសិប្បកម្មតំណាងឲ្យលោក សោម សាវ៉ាត ប្រធានមន្ទីរឧស្សាហកម្ម និងសិប្បកម្មខេត្តព្រះសីហនុបានដឹកនាំមន្ត្រីក្រោមឱវាទចុះត្រួតពិនិត្យដល់ទីតាំងសិប្បកម្មផលិតទឹកបរិសុទ្ធទាំង០២ខាងលើដើម្បីបង្ការទប់ស្កាត់ការផលិតទឹកបរិសុទ្ធមិនមានច្បាប់ និងផលិតមិនបានត្រឹមត្រូវស្តង់ដារទៅតាមបទដ្ឋានរបស់មន្ទីរជុំនាញធ្វើឲ្យប៉ះពាល់ដល់សុខភាពរបស់ប្រជាពលរដ្ឋពេលដែលប្រើប្រាស់ឬបរិភោគ ។
តាមកំណត់ហេតុរបស់លោក ឡុង ខេមរា មន្ត្រីមន្ទីរឧស្សាហកម្ម និងសិប្បកម្មខេត្តព្រះសីហនុ បានបញ្ជាក់ឲ្យដឹងថា ម្ចាស់អាជីវកម្មទាំង០២ខាងលើគាត់ជាអាជីវករប្រកបមុខរបរផលិតទឹកជាយូរមកហើយ(មានច្បាប់) ។ ការផលិតរបស់គាត់មានធុងស្តុកទឹកប្រើប្រាស់ការចម្រោះទឹក និងប្រើប្រាស់កាំរស្មី(UV) សម្រាប់សម្លាប់មេរោគដែលមាននៅក្នុងទឹកមិនមានដូចការសង្ស័យ និងការលើកឡើងរបស់ប្រជាពលរដ្ឋនោះទេសូម្បីតែរូបគាត់ជាអ្នកលក់ក៏គាត់ប្រើប្រាស់ទឹកដែលគាត់ផលិតដែរ ៕
ចែករំលែកព័តមាននេះ