រាជធានីភ្នំពេញ ៖ ប្រជាពលរដ្ឋបានប្រទះឃើញរថយន្តមួយគ្រឿងត្រូវគេយកមកប្លុងចោលនៅព្រៃឈើទាលមុខវត្តជន្លង់ម្លូ តាំងពីព្រឹកទល់យប់ទៅហើយ ដោយរកម្ចាស់មិនឃើញទើបប្រជាពលរដ្ឋនាំគ្នារាយការណ៍ប្រាប់សមត្ថកិច្ចដើម្បីឱ្យចុះទៅពិនិត្យ និងអូសរថយន្តយកទៅរក្សាទុកជាបណ្តោះអាសន្ន ។ ហេតុការណ៍ខាងលើនេះបង្កអោយមានការភ្ញាក់ផ្អើលកាលវេលាម៉ោង៨និង៣០នាទីយប់ថ្ងៃទី២៧ ខែកុម្ភៈ ឆ្នាំ២០១៨…
រាជធានីភ្នំពេញ ៖ ប្រជាពលរដ្ឋបានប្រទះឃើញរថយន្តមួយគ្រឿងត្រូវគេយកមកប្លុងចោលនៅព្រៃឈើទាលមុខវត្តជន្លង់ម្លូ តាំងពីព្រឹកទល់យប់ទៅហើយ ដោយរកម្ចាស់មិនឃើញទើបប្រជាពលរដ្ឋនាំគ្នារាយការណ៍ប្រាប់សមត្ថកិច្ចដើម្បីឱ្យចុះទៅពិនិត្យ និងអូសរថយន្តយកទៅរក្សាទុកជាបណ្តោះអាសន្ន ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលវេលាម៉ោង៨និង៣០នាទីយប់ថ្ងៃទី២៧ ខែកុម្ភៈ ឆ្នាំ២០១៨ ក្នុងចំណុចព្រៃឈើទាលជិតវត្តជន្លង់ម្លូ ដែលស្ថិតនៅភូមិព្រៃរងៀង សង្កាត់ភ្លើងឆេះរទេះ ខណ្ឌពោធិសែនជ័យ ។
តាមប្រជាពលរដ្ឋបានឲ្យដឹងថា ប្រជាពលរដ្ឋបានប្រទះឃើញរថយន្ដមួយគ្រឿងម៉ាកស្តារិច ពណ៌ទឹកប្រាក់ ពាក់ស្លាកលេខ ភ្នំពេញ ២AB-៦៨៨០ ចតនៅចំណុចកើតហេតុខាងលើតាំងពីព្រឹកព្រលឹមថ្ងៃទី២៧ ខែកុម្ភៈ ឆ្នាំ២០១៩ មកម្ល៉េះ គេមិនដឹងថា រថយន្តខាងលើមានជាប់ពាក់ព័ន្ធបទល្មើសអ្វី ឬយកមកពីណានោះទេ ទើបត្រូវគេយកមកប្លុងចោលបែបនេះ ហើយរថយន្តមានស្នាមកាច់ស្លាកលេខចោលទៀតផង ។
ប្រភពដដែលបានបន្តថា រហូតដល់វេលាម៉ោង៨និង៣០នាទីយប់ថ្ងៃដដែលនៅតែរកម្ចាស់មិនឃើញ ទើបប្រជាពលរដ្ឋ និងប្រជាការពាររាយការណ៍ប្រាប់សមត្ថកិច្ចដើម្បីឱ្យចុះទៅពិនិត្យជាក់ស្តែង ដោយមានសមត្ថកិច្ច នគរបាលប៉ុស្តិ៍ និងអាជ្ញាធរភូមិឃុំចុះមកត្រួតពិនិត្យភ្លាមៗផងដែរ។
ភ្លាមៗនោះដែរ សមត្ថកិច្ចហៅជាងធ្វើសោ បន្ទាប់មកឃើញនៅក្នុងរថយន្តមានឯកសារថតចម្លងសំគាល់ភិនភាគរថយន្ត មានស្លាកលេខ ភ្នំពេញ ២AB-៦៨៨០ ជាកម្មសិទ្ធិរបស់ឈ្មោះ គង់ លី ផ្ទះលេខ៤៨អឺ ផ្លូវលេខ១១៥ សង្កាត់បឹងព្រលឹត ខណ្ឌ៧មករា ។
ក្រោយពេលកើតហេតុ រថយន្តខាងលើត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាល
ភ្លើងឆេះរទេះ ដើម្បីរង់ចាំប្រគល់ឱ្យម្ចាស់វិញ ៕
ចែករំលែកព័តមាននេះ