ឥណ្ឌូណេស៊ី លើកពាន AFF U22 លើទឹកដីកម្ពុជា ក្រោយឈ្នះថៃ 2-1
រាជធានីភ្នំពេញ ៖ ការប្រកួតបាល់ទាត់ ដណ្ដើមពានរង្វាន់យុវជនប្រចាំតំបន់អាស៊ាន AFF U22 Championship 2019 ដែលកម្ពុជាទទួលបានសិទ្ធិធ្វើម្ចាស់ផ្ទះ បានបញ្ចប់ហើយ…
រាជធានីភ្នំពេញ ៖ ការប្រកួតបាល់ទាត់ ដណ្ដើមពានរង្វាន់យុវជនប្រចាំតំបន់អាស៊ាន AFF U22 Championship 2019 ដែលកម្ពុជាទទួលបានសិទ្ធិធ្វើម្ចាស់ផ្ទះ បានបញ្ចប់ហើយ…
រាជធានីភ្នំពេញ ៖ ការប្រកួតបាល់ទាត់ ដណ្ដើមពានរង្វាន់យុវជនប្រចាំតំបន់អាស៊ាន AFF U22 Championship 2019 ដែលកម្ពុជាទទួលបានសិទ្ធិធ្វើម្ចាស់ផ្ទះ បានបញ្ចប់ហើយ ដោយក្រុមជម្រើសជាតិ U22 ឥណ្ឌូណេស៊ី គឺជាអ្នកលើកពាន បន្ទាប់ពីយកឈ្នះក្រុម U22 ថៃ ដោយលទ្ធផល ២-១ ក្នុងជំនួបវគ្គផ្ដាច់ព្រ័ត្រ លើទីលានពហុកីឡដ្ឋានជាតិ កាលពីល្ងាចថ្ងៃទី២៦ កុម្ភៈ ។
សម្រាប់ការប្រកួតនៅក្នុងតង់ទី១រយៈពេល៤៥នាទីដំបូង ពុំមានការរបូតគ្រាប់បាល់នោះទេ តែចូលតង់ទី២ ក្រុមការពារតំណែងជើងឯកថៃ ជាអ្នករកគ្រាប់បាល់បាន១គ្រាប់ មុននៅនាទីទី៥៧ តែមិនទាន់បាន២នាទីស្រួល បួលផង កីឡាកររបស់ឥណ្ឌូណេស៊ីបានវាយ បកតាមស្មើវិញនៅនាទីទី៥៩ និងបន្ថែម១គ្រាប់ទៀតដែលជាគ្រាប់បាល់ជ័យជម្នះតែម្ដងនៅនាទីទី៦៤ ទោះបីក្រុមកីឡាករថៃ ព្យាយាមវាយបកខ្លាំងនៅចុងម៉ោងតែមិនបានសម្រេច ។
សរុបលទ្ធផលក្រោយចប់ការប្រកួត គឺក្រុម U22ឥណ្ឌូណេស៊ី បានលើកពានជើងឯក ក្រុមU22ថៃបានត្រឹមជើងឯករង ក្រុមU22 វៀតណាម ទទួលបានចំណាត់ថ្នាក់លេខ៣ និងក្រុមម្ចាស់ផ្ទះ U22កម្ពុជាទទួលបានចំណាត់ថ្នាក់លេខ៤ បន្ទាប់ពីប្រកួតចាញ់ក្រុមU22 វៀតណាមនៅចុងម៉ោងក្នុងលទ្ធផល១-០ ក្នុងថ្ងៃដដែល ៕
ចែករំលែកព័តមាននេះ