ខេត្តរតនគិរី ៖ ជនសង្ស័យម្នាក់ត្រូវបានសមត្ថកិច្ចនគរបាលស្រុកបរកែវធ្វើការឃាត់ខ្លួនពីបទប្រើអំពើហិង្សាវាយម្តាយក្មេកខ្លួនឯងរងរបួសធ្ងន់ ។ ការឃាត់ខ្លួនជនសង្ស័យប្រើអំពើហិង្សានោះបានធ្វើឡើងនៅវេលាម៉ោង១០និង២០នាទីព្រឹក ថ្ងៃទី២៦ ខែកុម្ភៈ ឆ្នាំ២០១៩ នៅភូមិត្រុំ ឃុំឡាមិញ ស្រុកបរកែវ ខេត្តរតនគិរី ។
ជនសង្ស័យដែលឃាត់ខ្លួនោះឈ្មោះ ទីង ឌឿន ភេទប្រុស អាយុ៣៨ ឆ្នាំ ជនជាតិខ្មែរ មានទីលំនៅភូមិត្រុំ ឃុំឡាមិញ ស្រុកបរកែវ ខេត្តរតនគិរី ។
ប្រភពពីសមត្ថកិច្ចថា ជនសង្ស័យដែលប្រើអំពើហិង្សាក្នុងគ្រួសារវាយម្តាយក្មេករបស់ខ្លួនបណ្តាលឱ្យរងរបួសធ្ងន់នោះដោយសារសុំលុយមិនបានហើយទើបនឹងចេញពីពន្ធនាគារថ្មីៗតែប្រពន្ធមិនបាននៅជាមួយនោះទេ ។ ក្រោយឃាត់ខ្លួនសមត្ថកិច្ចអធិការនគរបាលស្រុកបរកែវបានឃុំខ្លួនបណ្តោះអាសន្នដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនិតិវិធី ៕
ចែករំលែកព័តមាននេះ