Mirror របស់អង់គ្លេសផ្សាយថា នាងហ្គីលឡា អាកូស្តា (Gilda Acosta) អាយុ៤៧ឆ្នាំ ជនជាតិប៉ារ៉ាហ្គាយ បានសារភាពក្រោយពីប៉ូលិសអាហ្សង់ទីន ចាប់ខ្លួនពីបទបង្កបទឧក្រិដ្ឋដ៏តក់ស្លុត ដោយយកញញួរវាយទៅលើលោករីឆាត អារីចានដូ សានឆេស អេស្កូបា (Richar Alejandro Sánchez Escobar) អាយុ២៨ឆ្នាំ ជាគូស្នេហ៍ជនជាតិប៉ារ៉ាហ្គាយដូចគ្នា បណ្ដាលឲ្យស្លាប់ ។
ក្រោយមកនាងបានយកសពទៅលាក់ទុកក្នុងទូខោអាវ រួចចាក់បេតុងបិទកុំឲ្យគេដឹង តាំងពី២ខែមុន ។
របាយការណ៍បញ្ជាក់ថា ស្ត្រីដៃដល់ត្រូវចាប់ខ្លួនពីបទសម្លាប់លោកអាស្កូបា នៅថ្ងៃទី១៩ ធ្នូ២០១៨ នៅក្រុងឡូម៉ាស ឌីសាម៉ូរ៉ា រដ្ឋប៊ុយណូស៊ែរ ប្រទេសអាហ្សង់ទីន ដោយសារខឹងគេរំលោភកូនប្រុសរបស់នាងអាយុ១៣ឆ្នាំ ។
វីដេអូឃ្លីបបង្ហាញឲ្យឃើញក្នុងពេលសមត្ថកិច្ចព្យាយាមបើកទូខោអាវ ហើយនៅផ្នែកខាងក្នុងមានដានឈាម និងសត្វល្អិតជាច្រើន ។ ប៉ូលិសឲ្យដឹងថា នារីបង្កហេតុបានសារភាពថានាងពិតជាបានសម្លាប់លោកអេស្កូបាមែន ៕
ចែករំលែកព័តមាននេះ