យោងទៅតាមវេជ្ជបណ្ឌិត Charles Gerba ដែលជាសាស្ត្រាចារ្យផ្នែកមីក្រូជីវវិទ្យានៅសាកលវិទ្យាល័យ University of Arizona បាននិយាយថា «ពួកយើងប៉ះផ្ទៃផ្សេងៗច្រើនជាងជំនាន់ដទៃទៀតក្នុងប្រវត្តិសាស្ត្រ មិនថាជាម៉ាស៊ីន…
យោងទៅតាមវេជ្ជបណ្ឌិត Charles Gerba ដែលជាសាស្ត្រាចារ្យផ្នែកមីក្រូជីវវិទ្យានៅសាកលវិទ្យាល័យ University of Arizona បាននិយាយថា «ពួកយើងប៉ះផ្ទៃផ្សេងៗច្រើនជាងជំនាន់ដទៃទៀតក្នុងប្រវត្តិសាស្ត្រ មិនថាជាម៉ាស៊ីន ATM ឬកន្លែងគិតលុយទេ ។ ដូច្នេះ អ្នកប៉ះពាល់នឹងមេរោគគ្រប់ពេលលើដៃ និងម្រាមដៃដែលអ្នកប្រើដើម្បីចុចស្មាតហ្វូន និងយកវាមកជិតច្រមុះ មាត់ ឬភ្នែក»។
លោកបាននិយាយថា មេរោគទាំងនេះអាចធ្វើឲ្យអ្នក គ្រួសារអ្នក និងអ្នកដទៃមានជម្ងឺ ។ មជ្ឈមណ្ឌលគ្រប់គ្រងនិងជៀសវាងជម្ងឺបានព្យាករណ៍ថា ៨០%នៃជម្ងឺឆ្លងគឺត្រូវបានឆ្លងតាមដៃ ហើយស្មាតហ្វូនក៏កាន់តែជួយចម្លងផងដែរ ។
ជាលទ្ធផល Apple បានផ្តល់យោបល់ឲ្យប្រើទឹកសម្អាត ឬទឹកសម្រាប់មេរោគដើម្បីជូតស្មាតហ្វូន ខណៈដែល Motorola បានផ្តល់យោបល់ឲ្យប្រើទឹក និងក្រណាត់ Microfiber ដែលអ្នកប្រើដើម្បីជូតវ៉ែនតាជាដើម ។
ជាមួយគ្នានេះផងដែរ Google បានអនុញ្ញាតឲ្យមានការប្រើសាប៊ូក្នុងផ្ទះដើម្បីលាងសម្អាតស្មាតហ្វូន Pixel របស់ពួកគេថែមទៀតផង។
សម្រាប់ស្មាតហ្វូនដែលមិនចូលទឹក ឬធន់នឹងទឹកដូចជា Google Pixel 3 XL, iPhone XS, Samsung Galaxy S9 និងទូរស័ព្ទដទៃទៀត អ្នកអាចសាកល្បងលាយអាល់កុលជាមួយនឹងទឹករួចបាញ់វាលើស្មាតហ្វូននិងប្រើសំឡីជូតវាជាការស្រេច។
ប៉ុន្តែប្រសិនបើទូរស័ព្ទរបស់អ្នកមិនធន់នឹងទឹកទេនោះ អ្នកគួរតែស្វែងរកក្រណាត់ជូតសម្រាប់គ្រឿងអេឡិចត្រូណិចដូចជាស្មាតហ្វូន និងថាប្លេតជាដើមរួចជូតស្គ្រីន និងផ្នែកខាងក្រោយនៃទូរស័ព្ទរបស់អ្នកជាការស្រេច ៕
ប្រភព ៖ Usatoday
ចែករំលែកព័តមាននេះ