ពេលមាន Messi និងពេលគ្មាន Barcelona ប្រែខុសគ្នាស្រឡះ
តាមប្រភពព័ត៌មាន Soccer Laduma បានឱ្យដឹងថា អតីតកីឡាករខ្សែប្រយុទ្ធ LaLiga បានលើកតម្កើងកីឡាករជើងខ្លាំង Lionel Messi ថាជាកីឡាករដែលអាចធ្វើឱ្យ…
តាមប្រភពព័ត៌មាន Soccer Laduma បានឱ្យដឹងថា អតីតកីឡាករខ្សែប្រយុទ្ធ LaLiga បានលើកតម្កើងកីឡាករជើងខ្លាំង Lionel Messi ថាជាកីឡាករដែលអាចធ្វើឱ្យ…
តាមប្រភពព័ត៌មាន Soccer Laduma បានឱ្យដឹងថា អតីតកីឡាករខ្សែប្រយុទ្ធ LaLiga បានលើកតម្កើងកីឡាករជើងខ្លាំង Lionel Messi ថាជាកីឡាករដែលអាចធ្វើឱ្យ Barcelona មានការប្រែប្រួលបាន ។
កីឡាករអាហ្សង់ទីន Messi ត្រូវបានគេចាត់ទុកថា ជាកីឡាករសំខាន់នៅក្លិបអ្នកមានបុណ្យ Barcelona ដែលបានរកគ្រាប់បាល់ជូនក្លិប៥១គ្រាប់ក្នុងការប្រកួតត្រឹមតែ៣២ប្រកួត ។ នៅក្នុងរដូវកាលនេះ Barca មានការលំបាកនៅពេលអវត្តមាន Messi ហើយត្រូវបានមហាជនមើលឃើញថា ក្លិបនេះហាក់បីដូចជាពឹងលើតែ Messi ពេក ។
Frederic Kanoute អតីតកីឡាករក្លិប Sevilla បានបញ្ចេញមតិ ក្រោយពេលអតីតក្លិបរបស់ខ្លួនចាញ់ប្រៀប Messi កាលពីចុងសប្តាហ៍មុនថា Messi គឺធ្វើឱ្យមានភាពខុសគ្នាទាំងស្រុងនៅក្នុងក្លិប ។
លោកបានប្រាប់សារព័ត៌មាន Omnisport ថា ៖«Barca គឺជាក្លិបអស្ចារ្យ តែពិតជាមិនអាចប្រកែកបានមែនថា Messi គឺជាកីឡាករម្នាក់ដែលធ្វើឱ្យមានភាពខុសគ្នា ។ ពេលគ្មាន Messi ក្លិបអ្នកមានបុណ្យ គឺជាក្លិបមួយផ្សេងទៀត ។ អ្នកដែលមិនយល់ដូច្នេះ មានតែជាអ្នកមិនយល់ពីបាល់ ព្រោះតែ Messi គឺជាកីឡាករពិសេស ។ ពេលមានកីឡាករបែបនេះ នៅក្នុងក្លិបរបស់ខ្លួន គឺធ្វើឱ្យអ្វីៗមានការប្រែប្រួល» ៕
ប្រភព ៖ Soccer Laduma
ចែករំលែកព័តមាននេះ