កម្ពុជាចាប់ផ្តើមធ្វើដំណើរលើផ្លូវ«ខ្លួនទីពឹងខ្លួន»
- ភ្នំពេញ
អ្នកនិពន្ធ ៖ ប្រេ វីន សហភាពអឺរ៉ុបបានគំរាមព្យួរការអនុគ្រោះពន្ធសម្រាប់កម្ពុជា តាមរយ:គម្រោងអ្វីៗទាំងអស់ដើម្បីអាវុធ ដែលហៅកាត់ថា EBA «Everything But…
អ្នកនិពន្ធ ៖ ប្រេ វីន សហភាពអឺរ៉ុបបានគំរាមព្យួរការអនុគ្រោះពន្ធសម្រាប់កម្ពុជា តាមរយ:គម្រោងអ្វីៗទាំងអស់ដើម្បីអាវុធ ដែលហៅកាត់ថា EBA «Everything But…
អ្នកនិពន្ធ ៖ ប្រេ វីន
សហភាពអឺរ៉ុបបានគំរាមព្យួរការអនុគ្រោះពន្ធសម្រាប់កម្ពុជា តាមរយ:គម្រោងអ្វីៗទាំងអស់ដើម្បីអាវុធ ដែលហៅកាត់ថា EBA «Everything But Arms»។ ប៉ុន្តែរដ្ឋាភិបាលវិញ បានបង្ហាញជំហរមិនខ្លាចនឹងការគំរាមកំហែង នោះហើយកំពុងចង់ប្រែក្លាយបញ្ហាប្រឈមមួយនេះ ឱ្យទៅជាឱកាសមួយ សម្រាប់ការពង្រឹងសមត្ថភាពខ្លួនទីពឹងខ្លួន សម្រាប់អនាគតដ៏យូរអង្វែង។
ចាប់តាំងពីក្រោយការបោះឆ្នោត កាលពីឆ្នាំ១៩៩៣ ដែលរៀបចំដោយអង្គការសហប្រជាជាតិ ប្រទេសកម្ពុជា បានពឹងពាក់ខ្លាំងទៅលើជំនួយបរទេស ដើម្បីធ្វើអោយសេដ្ឋកិច្ចរបស់ខ្លួនមានការរីកចម្រើន។ ចាប់តាំងពីពេលនោះមក កម្ពុជាមានការរីកចម្រើនសេដ្ឋកិច្ចដ៏គួរអោយកត់សម្គាល់ ដោយទទួលបានកំណើនជាមធ្យមចំនួន៧ភាគរយ នៅក្នុងមួយឆ្នាំ ។ រីឯប្រជាជនកម្ពុជា ក៏កាន់តែមានជីវភាពធូរធាជាងមុន
ការរីកចម្រើនមើលឃើញច្បាស់បំផុតនៅទីក្រុងភ្នំពេញ ដែលសំបូរដោយអគារខ្ពស់ៗ ជីវិត ស៊ីវី ល័យ និងរថយន្តទំនើបៗតាមដងផ្លូវ។
ការរីកចម្រើនរបស់កម្ពុជាកន្លងមក មិនអាចកាត់ផ្តាច់បានជាមួយនឹងជំនួយបរទេសឡើយ ។ ប៉ុន្តែពេលវេលានិងស្ថានភាពនយោបាយបានប្រាប់ដល់កម្ពុជាថា ការពឹងផ្អែកលើជំនួយបរទេស មិនអាចធ្វើអោយកម្ពុជារស់មួយជីវិតបានឡើយ ហើយវាក៏ធ្វើអោយកម្ពុជាងាយនឹងរងសម្ពាធពីបរទេស។
បញ្ហា EBA បានធ្វើអោយកម្ពុជាយល់កាន់តែច្បាស់ថា ខ្លួនត្រូវដកដង្ហើមសេដ្ឋកិច្ចដោយខ្លួនឯង ហើយចាប់ផ្តើមដកខ្លួនជាបណ្តើរៗ ពីការពឹងពាក់ខ្លាំងទៅលើជំនួយបរទេស ។
ជាមួយនឹងការសម្រេចចិត្តបែបនេះ កម្ពុជាត្រូវពង្រឹងសមត្ថភាព ខាងក្នុងដើម្បីទប់ ទល់នឹង ការគាបសង្កត់ពីខាងក្រៅ ។
នៅពេលដែលមេដឹកនាំបានធ្វើការសម្រេចចិត្តដ៏ក្លាហានបែបនេះ វាចាំបាច់ត្រូវជ្រួតជ្រាប ដល់ មន្ត្រីរដ្ឋាភិបាលគ្រប់ជាន់ថ្នាក់និងប្រជាជនដើម្បីធានាថាការពង្រឹងសមត្ថភាពសេដ្ឋកិច្ចខ្លួនទីពឹងខ្លួនអាចទទួលជោគជ័យ។
ការបង្កើតបរិយាកាសវិនិយោគដ៏ទាក់ទាញបំផុតមួយ គឺជាអ្វីដែលកម្ពុជា ត្រូវពុះពារសម្រេចអោយបាន។ នៅពេលដែលរដ្ឋាភិបាលអាចធ្វើគោលនយោបាយ និងបង្កើតបរិយាកាសប្រកបដោយការអនុគ្រោះសម្រាប់ការវិនិយោគបរទេសនោះ ការអភិវឌ្ឍន៍ធនធានមនុស្ស និងការប្រើប្រាស់ធនធានមនុស្សដែលមានស្រាប់ គឺជាអ្វីដែលគួរយកចិត្តទុកដាក់ផងដែរ ។
នៅពេលដែលវិនិយោគិនបរទេសមើលឃើញកម្ពុជា ជាស្ថានសួគ៌នៃការវិនិយោគដែលនឹងអាចធ្វើអោយពួកគេរកស៊ីបានស្រួល និងទទួលផលចំណេញនោះ ពួកគេនឹងមិនអាចដកខ្លួនចេញពីប្រទេសកម្ពុជាបានឡើយ ហើយវិនិយោគិនបរទេសកាន់តែច្រើនថែមទៀតនឹងមកបណ្តាក់ទុននៅកម្ពុជា ៕
ចែករំលែកព័តមាននេះ