ក្រុងតូក្យូកាលពីថ្ងៃសៅរ៍ទី៧ខែកញ្ញាបានឈ្នះការដេញថ្លៃធ្វើជាម្ចាស់ផ្ទះអូឡាំពិករដូវក្តៅឆ្នាំ២០២០ ក្រោយពីសមាជិកនៃគណៈកម្មាធិការអូឡាំពិកអន្តរជាតិ (IOC) បានបោះឆ្នោតព្រមព្រៀងអំឡុងកិច្ចប្រជុំសម្រេចចុងក្រោយនៅទីក្រុង Buenos Aires ប្រទេសអាហ្សង់ទីន។ ក្រុងតូក្យូបានប្រជែងឈ្នះទីក្រុងអុីស្តង់ប៊ុល របស់ប្រទេសតួកគីនៅក្នុងការបោះឆ្នោតជុំផ្តាច់ព្រ័ត្រខណៈទីក្រុងម៉ាឌ្រីដ របស់ប្រទេសអេស្ប៉ាញបានធ្លាក់តាំងពីជុំទី១ ។
នេះជាលើកទី២ហើយដែលទីក្រុងតូក្យូឈ្នះការដេញថ្លៃព្រឹត្តិការណ៍អូឡាំពិករដូវក្តៅគិតពីឆ្នាំ ១៩៦៤មក ។ នាយករដ្ឋមន្ត្រីជប៉ុនលោក Shinzo Abe ដែលវត្តមានក្នុងពិធីដេញថ្លៃនោះផងដែរបានបញ្ជាក់ថា អូឡាំពិកគឺជាផ្នែកមួយនៃជីវិតរបស់គាត់ ហើយថា រូបគាត់ធ្លាប់បានចូលប្រឡូកក្នុងកីឡាមួយនេះតាំងពីនៅវ័យក្មេងមកម្ល៉េះ ។ លោកបន្តថា ៖ «ខ្ញុំធ្លាប់បានចូលរួមពិធីបើកការប្រកួតនៅទីក្រុងតូក្យូកាលឆ្នាំ១៩៦៤ហើយបានឃើញមនុស្សជាច្រើនម៉ឺននាក់លែងសត្វព្រាប ។ វាពិតជាភ្ញាក់ផ្អើលខណៈខ្ញុំមានអាយុទើប១០ឆ្នាំនាពេលនោះ» ៕
ចែករំលែកព័តមាននេះ