ស្ត្រីជាច្រើនគិតថា ការវះកាត់កែសុដន់ពីតូចទៅធំ ពីយារធ្លាក់ទៅជាក្បំនឹងជួយធ្វើឱ្យល្អប្រសើរដល់រូបរាងរបស់គេ ជាពិសេសគឺធ្វើឱ្យជីវិតរបស់ពួកគេផ្លាស់ប្តូរ ។ ទោះជាយ៉ាងនេះក្តី ការវះកាត់បែបនេះបានផ្តល់នូវផលអាក្រក់ច្រើនយ៉ាងដល់សុខភាពដូចជា ៖
ស្ត្រីជាច្រើនគិតថា ការវះកាត់កែសុដន់ពីតូចទៅធំ ពីយារធ្លាក់ទៅជាក្បំនឹងជួយធ្វើឱ្យល្អប្រសើរដល់រូបរាងរបស់គេ ជាពិសេសគឺធ្វើឱ្យជីវិតរបស់ពួកគេផ្លាស់ប្តូរ ។ ទោះជាយ៉ាងនេះក្តី ការវះកាត់បែបនេះបានផ្តល់នូវផលអាក្រក់ច្រើនយ៉ាងដល់សុខភាពដូចជា ៖
១- ប្រព័ន្ធការពាររាងកាយឆ្លើយតបខុសពីធម្មតាទៅនឹងវត្ថុសិប្បនិម្មិតញាត់ក្នុងសុដន់ (Casular Contracture) ៖
Capsular contracture ជាបញ្ហាសាមញ្ញបំផុតកើតឡើងនៅពេលស្រទាបព័ទ្ធជុំវិញស៊ីលីកូនញាត់ក្នុងសុដន់ ( breast capsule) រឹតតឹងណែនខ្លាំងបណ្តាលឱ្យមានការឈឺចាប់ ។ ជាលិកាសម្លាកបង្កើតឡើងនៅពេលដែលស៊ីលីកូនត្រូវគេវះដាក់ក្រោមជាលិកាសុដន់លើសាច់ដុំទ្រូង ។ យោងទៅលើរបាយការណ៍មួយកាលពីឆ្នាំ២០០០ ស្ត្រីដែលវះកាត់កែសុដន់ប្រមាណ២៥%-៣០% កើតមានលក្ខខណ្ឌ Capsular contracture ក្រោយការវះកាត់រួច៣ឆ្នាំ ។
២- សុដន់ស្វិតរួមតូច ៖
ពិតប្រាកដណាស់ ស៊ីលីកូនដែលញាត់ក្នុងសុដន់អាចធ្លាយឬរួមតូចក្រោយការវះកាត់មួយរយៈពេលពោលគឺវាហាក់ដូចជាបាល់ឡុងដែលអស់ខ្យល់ ។
៣- ស្នាមរបួសវះកាត់ក្លាយបង្ករោគ ៈ
ស្ត្រីមួយចំនួនរងការឈឺចាប់ខ្លាំងដោយដំបៅក្លាយនៅត្រង់មុខរបួសវះកាត់រយៈពេល២-៣សប្តាហ៍ក្រោយមក ។ ដុំស៊ីលីកូនប្រៀបបាននឹងវត្ថុនៅក្រៅខ្លួន ដូច្នេះវាងាយនឹងចម្លងបាក់តេរី។
៤-មហារីក ៖
យោងតាមការរកឃើញរបស់ភ្នាក់ងារសុខភាពអាមេរិកកាលឆ្នាំ២០១១បញ្ជាក់ថា វះកាត់កែសុដន់ជាប់ទាក់ទងគ្នានឹងលក្ខខណ្ឌមហារីកប្រព័ន្ធការពាររាងកាយកម្រ Anaplastic large-cell lymphoma (ALCL) ។ មហារីកប្រភេទនេះអាចកើតមាននៅកន្លែងណាមួយលើរាងកាយ ពោលគឺមិនមែនតែនៅលើសុដន់នោះទេ ។ ក្នុងចំណោមស្ត្រីអាមេរិក ៥០០.០០០នាក់គឺមានតែម្នាក់ប៉ុណ្ណោះដែលកើតមហារីកប្រភេទនេះក្នុងមួយឆ្នាំ ហើយក្នុងចំណោម ១០០លាននាក់គឺមានតែ៣នាក់ប៉ុណ្ណោះដែលកើតមាននៅលើសុដន់ ។
៥- ផ្លាស់ប្តូរញាណក្បាលដោះ ៖
យោងតាមលទ្ធផលនៃការសិក្សាស្រាវជ្រាវនានារយៈពេល១០ឆ្នាំចុងក្រោយនេះបង្ហាញថា ស្ត្រីវះកាត់កែសុដន់១២%-២៥%បាត់បង់ញាណក្បាលដោះក្រោយពីការវះកាត់រួច៣ឆ្នាំ ។ មូលហេតុ ពីព្រោះកោសិកាប្រសាទនិងបំពង់ទឹកដោះរងការបំផ្លាញបណ្តាលឱ្យក្បាលដោះងាប់៕
ចែករំលែកព័តមាននេះ